इंग्ल्यान्डका स्पिनर आदिल रशिदले घातक बलिङ गर्दा साबिक विजेता वेस्ट इन्डिज ट्वान्टी ट्वान्टी विश्वकपको आफ्नो पहिलो खेलमा किर्तिमानी ५५ रनमा समेटिएको छ ।
वेस्ट इन्डिज ट्वान्टी ट्वान्टी विश्वकपमा तेश्रो सानो योगफलमा समेटिएको हो । सबैभन्दा सानो योगफलमा समेटिने टोलीको पहिलो र दोश्रो स्थानमा नेदरल्याण्ड्स रहेको छ । नेदरल्याण्ड्स सन् २०१४ को विश्वकपमा र हिजो मात्र सम्पन्न खेलमा श्रीलंकासँग क्रमश ३९ र ४४ रनमा समेटिएको थियो ।
खेलमा टस हारेर पहिले ब्याटिङ गरेको वेस्ट इन्डिजको तर्फबाट क्रिस गेलले सर्वाधिक १३ रन बाहेक अन्य ब्याट्सम्यानले दोहोरो अंकमा रन जोड्न नसक्दा मात्र १४ दशमलब दुई ओभरमा अलआउट हुन पुग्यो ।
वेस्ट इन्डिजलाई सानो योगफलमा रोक्ने क्रममा रशिदले दुई दशमलब दुई ओभरमा दुई रन मात्र खर्चिएर सर्वाधिक चार विकेट लिए भने टिमाल मिल्स र मोईन अलीले पनि ४-४ ओभर बलिङ गर्दै १७ रन खर्चिएर सामना २-२ विकेट आफ्नो नाममा लेखाए ।
