भारतीय क्रिकेट बोर्ड (बिसीसीआई) ले सन् २०२२ को इन्डियन प्रिमियर लिग (आईपीएल) संस्करणबाट १० टोली बनाउने यस अघि नै निर्णय गरिसकेको छ । त्यसका लागि उसले छिटै नै दुई टोली लिन इच्छुकहरूको आवेदन लिने जनाएको छ ।
त्यसका लागि उसले एक फ्रेन्चाइजको न्यूनतम मूल्य दुई हजार करोड भारतीय रुपैयाँ राखेको छ । न्यूनतम मूल्य दुई हजार करोड राखेको भए पनि बिसीसीआई एक टोलीको मूल्य पाँच हजार करोड आम्दानी गर्ने पनि आशा राखेको छ ।
बिसीसीआईले यस अघि १७ सय करोड भारु राख्ने सुरुवाती छलफल गरेको भए पनि धेरै कम्पनीले इच्छा व्यक्त गरे पछि उसले ३०० करोड बढाएर दुई हजार करोड पुर्याउने निर्णय लिएको हो । त्यस्तै कुनै पनि कम्पनीले टोली किन्न चाहेको खण्डमा आवेदनका लागि मात्र ७५ करोड खर्च गर्न पर्ने जनाएको छ । आवेदन दिने कम्पनीले वार्षिक रुपमा टिन हजार करोड भन्दा धेरैको कारोबार गरेको पनि हुन पर्ने बिसीसीआईले जनाएको छ ।
१० टोली भए पछि प्रतियोगिता अवधिभर कुल ७४ खेल हुने भएकाले पनि नयाँ टोलीलाई पनि फाइदा नै पुग्ने आशा बिसीसीआईको रहेको छ ।
धेरै कम्पनीले टोली किन्न खोजेको र बिसीसीआईलेपूणे, अहमदाबाद र लखनउ मध्य दुई स्थानलाई नयाँ फ्रेन्चाइजलाई प्राथमिकतामा राखेको छ ।
सन् २०००८ बाट आठ टोली मार्फत सुरु भएको आईपिएलकोचौथों संस्करणमा बिसीसीआईले १० टोलीलाई खेलाएको थियो भने त्यस पछिका दुई वर्ष टोलीको संख्या झारेर नौ पुर्याएको थियो । सन् २०१४ देखि भने फेरी फ्रेन्चाइजको संख्या आठ नै राखिएको थियो ।