केनको पेनाल्टी अघि स्माइकललाई ‘लेजर लाइट’ देखाएका कारण इङ्ल्याण्डलाई जरिवाना

इङ्ल्याण्डलाई युएफाले डेनमार्कका गोलरक्षक क्यासपर स्माइकललाई ह्यारी केनले पेनाल्टी हान्नु अघि ‘लेजर लाइट’ उनको आँखामा देखाएको कारण जरिवाना तिराउने भएको छ ।

स्माइकलको आँखामा केनले पेनाल्टी हान्ने समयमा हरियो ‘लेजर लाइट’ इङल्याण्ड समर्थकले देखाएका थिए तर स्माइकलले उक्त पेनाल्टी जोगाए पनि रिबाउन्डमा भने गोल खान पुगेका थिए । त्यही गोलको मद्धतले इङ्ल्याण्ड पहिलो पटक युरोको फाइनलमा पनि पुगेको हो ।

युएफाले इङ्ल्याण्ड समर्थक विरुद्ध डेनमार्कको राष्ट्रिय गान अघि पनि ‘लेजर लाइट; हरु देखाउने, पटका पढ्काउने र हल्ला गर्ने जस्तो कार्य गरेको जनाएको छ ।

इङ्ल्याण्डका समर्थकहरुलाई युएफाले निगरानीमा राख्ने पनि बिज्ञप्तीमा लेखेको छ । “जुलाई ८ मा भएको युरो सेमिफाइनल अन्तर्गत इङल्याण्ड विरुद्ध डेनमार्क (२-१) को खेलका लागि अनुशान प्रकृया अघि बढीसकेको छ।”

उक्त घटनालाई मध्यनजर गर्दै इङ्ल्याण्ड फुटबल संघलाई युएफाले ५० हजार पाउन्ड सम्म जरिवाना तिराउने छ ।