एिसियन मानिशहरुलाई जातिय विभेद गरेका कारण फ्रेन्च स्टार एन्टोइन ग्रिजमनले बार्सिलोनाको जर्सी प्रायोजक राकुटेनका अध्यक्षलाई फोन गर्दै माफि मागेका छन् ।
फ्रेन्च फर्वार्डले बार्सिलोनाले २०१९ मा जापानको प्री सिजन टुर गर्दा होटेलको कोठामा अर्का साथी खेलाडी ओसमान डेम्बेलेसँग टेलिभिजन बनाउन आएका होटेलका कर्मचारी माथि जातिय विभेद गरेका थिए । ग्रिजमनले त्यी कर्मचारीलाई ‘चिङ चोङ’ भन्नुका साथै डेम्बेलेले कर्मचारीलाई रुष्ट बेहोरा देखाएका थिए ।
पछिल्ला दिनमा भिडियोहरू भाईरल गरिएपछि ग्रिजमन र डेम्बेले जातिय विवेदको आरोपमा बोल्दै “म माथि लगाइएको आरोपलाई म दृढतापूर्वक खण्डन गर्छु र यदि मैले मेरा जापानी साथीहरुलाई अपमान गरेको मा म दु: खी छु।”
यो कार्य पछि ग्रिजमनले राकुटेनका अध्यक्ष हिरोसी मिकिटानीसँग कुरा गर्दै माफि मागेका थिए तर जापानिज समर्थकहरुले उनलाई माफ गरेका छैनन् । अझै पनि बिभिन्न समाजिक संजालमा ग्रिजमन र डेम्बेलेको आलोचना हुँदै आएको छ । बार्सिलोनाले भने यस विषयमा केही बोलेको छैन ।
अन्तराष्ट्रिय फुटबल भिडियो गेम कम्पनी कोनामीले पनि यो घटना पछि ग्रिजमनसँग सम्झौता रद्ध गरेको छ ।