२२ वर्षीय फ्रान्सका स्ट्राइकर किलियन एम्बाप्पे लिग वान क्लब पेरिस सेन्ट जर्मेन (पिएसजी) सँगको सम्झौताको अन्त्यमा छन् । उनको पिएसजीसँगको सम्झौता आगामी सिजनको अन्त्यसँगै सकिने छ ।
पछिल्लो सिजन एम्बाप्पे स्पेनिस ला लिगा क्लब रियल म्याड्रिड जाने चर्चा चलेको छ । पिएसजी उनीसँगको सम्झौता बढाउन चाहन्छ भने एम्बाप्पेले यस बारेमा आफ्नो केहि पनि धारणा सार्वजनिक गरेका छैनन् ।
फ्रान्सका पुर्व खेलाडी एरिक डि मेको भने एमबाप्पे पिएसजीमा नै बस्न पर्ने धारणा राख्द छन् । मेको एम्बाप्पेले क्लबसँगको सम्झौता थप्न नमानेको खण्डमा उनलाई आगामी पुरै सिजन बेञ्चमा राख्न पर्ने चेतावनी दिन्छन् । उनी लिग वान जायन्ट खेलाडीसँग झुक्न नहुने मान्यता रख्दछन् ।
फ्रान्सको लागि २३ क्याप जितेका ५७ वर्षीय मेको क्लब भन्दा एम्बाप्पे नै हाबी रहेको भए पनि पिएसजी झुक्न नहुने बताउँछन् । उनी भन्छन्: “पिएसजीले यदी एम्बाप्पेले आफ्नो सम्झौता बढाउन चाहान राख्दै नै भने तिमी पुरै वर्ष बेञ्चमा बस्न तयार रहु भन्न सक्न पर्दछ ।”
“पेरिसले यसो गर्ने पर्दछ । अहिलेको लागि मात्र नभएर आगामी दिनमा आउने खेलाडीहरुको लागि पनि नजिर बस्न सक्दछ । सबै कुरा तिमीले चाहे जस्तो पनि हुँदैन भन्ने बनाउन सक्न पर्दछ ।”
पिएसजीको लागि १२७ खेल खेल्दै एम्बाप्पेले १११ गोल गरिसकेका छन् । उनको र ब्राजिलका नेमारको संयुक्त प्रदर्शन निकै राम्रो रहेकाले पनि पिएसजी उनीसँगको सम्झौता लम्बाउन चाहन्छ ।