नेपाली राष्ट्रिय फुटबल टोलीले आईतबारबाट रोक्किएको प्रशिक्षण सुरु गरेको छ । राष्ट्रिय टोलीका केही खेलाडीमा कोरोना देखिएको भनिए पनि त्यही दिन सबैको नतिजा नेगेटिभ आएसँगै आइतबारबाट टोलीले प्रशिक्षण सुरु गरेको हो ।
नेपाली टोलीले एसियन कप छनोटको तेस्रो चरण र साफ च्याम्पियनशिपका लागि तयारी गर्नका लागि प्रशिक्षक अब्दुल्लाह अल्मुताइरीले ५० खेलाडी बन्द प्रशिक्षणमा बोलाएका छन् । साफ च्याम्पियन्शिपको मिती हाल तोकिएको छैन् । एसियन कपको तेस्रो चराणका लागि भने नेपालले फेब्रुअरीमा खेल्ने छ ।
एन्फा कम्प्लेक्सको मैदानमा ५० खेलाडीलाई दुई समुहमा बिभाजन गरी बिहान र बेलुका प्रशिक्षण गराएको छ ।