मंगलबार अखिल नेपाल फुटबल क्लब (एन्फा), संकटा क्लब र नेक्सस स्कुलबीच फुटबल एकेडेमी सन्चालन गर्न त्रिपक्षीय सम्झौता भएको छ ।
एन्फा कम्प्लेक्स सातदोबाटोमा एन्फाका उपाध्यक्ष तथा युथ डेभलपमेन्ट कमिटीका अध्यक्ष उपेन्द्रमान सिंह, संकटा क्लबका कार्यवाहक अध्यक्ष सुरेन्द्र सिख्राकार र नेक्सस स्कुलका प्रिन्सिपल आरबी कटुवालबीच सम्झौता पत्रमा हस्ताक्षर भएको हो ।
यस सम्झौतापछि नेक्सस-संकटा युथ फुटबल एकेडेमीको नाममा एकेडेमी खुल्ने । एकेडेमीमा संकटा क्लबका ७ र नेक्सस स्कुलका ७ युवा खेलाडी रहने छन् । पहिलो वर्ष कूल १४ खेलाडीले संकटा क्लबको मैदानमा प्रशिक्षण गर्नेछ भने नेक्सस स्कुलले युवाहरुका लागि छात्रवृत्ति प्रदान गर्नेछ ।
दोस्रो वर्षबाट खेलाडी २१ बनाइनेछ । सम्झौतापछि संकटा क्लब एकेडेमी सञ्चालन गर्ने विभाग बाहिरका पहिलो क्लब बनेको छ । यसअघिनै त्रिभुवन आर्मी फुटबल क्लब, एपीएफ र नेपाल पुलिस क्लबले एकेडेमी सञ्चालन गरिसकेका छन् ।
एसियाली फुटबल महासंघ (एएफसी) को कार्यक्रम अनुसार संकटाले एकेडेमी सञ्चालनमा ल्याउन लागेको हो ।
