गुइडो रोड्रिगेजको पहिलो हाफमा गरेको गोल निर्णायक बन्न पुग्दा आर्जेन्टिनाले कोपा अमेरिका २०२० मा आफ्नो पहिलो जित निकालेको छ ।
आर्जेन्टिनाका लागि पहिलो गोल १३ औँ मिनेटमै भएको थियो । लियोनल मेस्सीले मिलाएको पासमा गुइडो रोड्रिगेजले गोल गरेका थिए । उक्त एसिस्ट सँगै मेस्सी कोपा अमेरिकाको ईतिहासमा सार्वधिक एसिस्ट दिने खेलाडी बनेका छन् । उनको नाममा १३ एसिस्ट रहेको छ । पहिलो हाफमा निकै मौका बनाएको अर्जेन्टिनाले एक गोलको मात्रै अग्रता बनाएको थियो ।
दोस्रो हाफमा पनि आर्जेन्टिना उरुग्वे माथि हावी रह्यो । आर्जेन्टिनाले उरुग्वेको पोस्टमा लगतार प्रहारहरु गर्दा गोल नगरे पनि सशक्त अट्याकिङ खेल देखाएको थियो । आर्जेन्टिनाले उरुग्वेको पोस्टमा दोस्रो हाफमा मात्रै ४ मौका बनाएको थियो । उरुग्वेको भने अर्जेन्टिनाको पोस्टमा एक पटक पनि सट तार्गेटमा रहन सकेन ।
खेलमा पोजिसन र पकड उरुग्वेले बनाए पनि फ्रेममा प्रहारहरु गर्न नसक्दा कोपा अमेरिकाको पहिलो खेलमा नै उरुग्वे १-० ले पराजित हुन पुग्यो ।
पहिलो खेलमा चिलीसँग १-१ को बराबरी खेलेको आर्जेन्टिना दोस्रो खेलमा तीन अंक हात पार्न सफल रह्यो । यस्तै आज बिहाना भएको पहिलो खेलमा चिलीले बोलेभियालाई १-० ले हराएको छ । चिलीका लागि बेन बेरेटोनले गोल गरेका थिए ।
जितसँगै समुह ‘बी’ मा आर्जेन्टिना ४ अंक सहित शिर्ष स्थानमा रहदा समान ४ अंक नै रहेको चिली दोस्रो स्थानमा छ ।
