क्रिष्चियानो रोनाल्डोले जारी युरो कपको पहिलो खेलमै हङ्गेरी विरुद्ध गोल गर्दै युरो कपको ईतिहासमा सबै भन्दा धेरै गोल गर्ने खेलाडी बनेका छन् ।
८७ औँ मिनेटमा विल्ली ओर्बनले राफा सिल्भालाई लडाए पछि पाएको पेनाल्टीमा रोनाल्डोले गोल गरेका थिए । उनले दुई गोल गरेपछि पोर्चुगलले अन्तिम समयमा तीन गोल गर्दै समुह ‘एफ’ को पहिलो खेलमा हङ्गेरीलाई ३-० ले हराउँदै बिजयी शुरुवात गरेको छ ।
रोनालडोले दोस्रो गोल ९० मिनेटपछि थपिएको इन्जुरी समयको दोस्रो मिनेटमा गरेका थिए । राफासँग मिलाएको वान टु पासमा रोनाल्डोले व्यक्तिगत दोस्रो र टोलीका लागि तेस्रो गोल गरेका थिए ।
रोनाल्डो फ्रान्सका मिचेल प्लाटिनीको ९ गोलको किर्तिमानलाई तोड्दै युरो मा सर्वधिक गोल गर्ने खेलाडी बनेका हुन् । अहिले खेल्दै गरेका खेलाडीहरुमा ६ गोल सहित फ्रान्सका एनटोइन ग्रिजमन चौँथो स्थानमा छन् । दोस्रो स्थानमा पुर्व इङ्ल्याण्ड स्टाइकर ऐलन शियरर रहेका छन् । रोनाल्डोको युरोमा अब ११ गोल भएको छ ।
