विश्वकप तथा एसियन कप छनोटको आफ्नो अन्तिम खेलमा नेपाली राष्ट्रिय फुटबल टोलीले अष्ट्रेलिया विरुद्ध खेल्दा आफ्नो शुरुवाती ११ मा जोर्डन विरुद्धको खेलबाट पाँच खेलाडी परिवर्तन गरेको छ ।
राष्ट्रिय टोलीका प्रशिक्षक अब्दुल्लाह अल्मुताइरीले जोर्डन विरुद्धको खेलबाट दिनेश राजवशींको स्थानमा गौतम श्रेष्ठ, सन्तोष तमाङको स्थानमा एरिक बिष्ट आएका छन् । अर्का मिड्फिल्डर बिशाल राई पनि टोलीमा आएका छन् । नेपाल ४-३-३ को फर्मेसनमा खेल्दै छ । नवयुग श्रेष्ठले अग्रपङ्ती सम्हाल्ने छन् । अन्जन बिष्ट भने बेन्चमा छन् ।
नेपाली टोली ६ अंकका साथ चौँथो स्थानमा रहेको छ भने अष्ट्रेलिया १८ अंकका साथ विश्वकपको दोस्रो चरणमा प्रवेश गरिसकेको छ ।
