कोपा अमेरिकाका लागि ब्राजिलियन प्रशिक्षक टिटेले सुपरस्टार खेलाडी नेमार जुनियरको कप्तानीमा २३ खेलाडीको नाम सर्वजनिक गरेका छन् । ब्राजिलमा कोरोनाका कारण धेरै खेलाडीले यस्को विरोध गरे पनि प्रतियोगिता भने खेल्ने छन् । आर्जेन्टिनामा खेलाउने भनिए पनि अन्तिम समयमा प्रतियोगिता ब्राजिलमा खेलाउने निर्णय भएको थियो ।
डिफेण्डिङ च्याम्पियन रहेको ब्राजिल उच्च फममा रहेको छ । विश्वकप छनोटमा अघिल्लो खेलमा मात्रै पराग्वेलाई २-० ले हराएको ब्राजिल ६ खेलमा अपराजित रहेको छ ।
पेरिस सेन्ट जर्माइनका स्टार खेलाडी नेमारले २०१९ को कोपा अमेरिका इन्जुरीले गुमाए पनि यो वर्ष भने टोलीको कप्तानी गर्ने छन् । धेरै अन्य सिनियर खेलाडी भए पनि नेमारले यो पटक ब्राजिलको कप्तानी गर्न लागेका हुन् ।
धेरै खेलाडीले कोपा अमेरिका बहिष्कार गर्ने हल्ला भए पनि कुनै खेलाडीले नाम फिर्ता लिएका छैनन् ।