जुन ११ देखि युरोपका बिभिन्न शहरमा शुरु हुन गइरहेको युरो कप फुटबलका लागि स्पेनले कोरोनाको संक्रमण फैलिन गए अनौठो तयारी गरेको छ ।
स्पेनले सिंगोटिमलाई नै कोरोना संक्रमण भएको अवस्थामा १७ जनाको बैकल्पिक टोली नै तैयार गरेको छ । डिफेन्डर डिएगो लोरियन्टेकोरोना संक्रमित हुने दोश्रोखेलाडी बनेपछि स्पेन फुटबल संघ (आरएफइएफ) ले समानान्तर बबल बनाएको जानकारी दिएको छ ।
आरएफइएफले यसअघि नै जगेडा रहेका ६ खेलाडीहरुसंग जोडिन थप ११ जना खेलाडी बोलाएको हो । सोमबार समुह इ अन्तर्गत स्विडनेबिरुद्ध आफ्नो पहिलो युरो कप खेल खेल्नु एक साता अघि आइतबार कप्तान सर्जियो बुस्केट्सलाई नै कोरोना भएको थियो ।
स्विडेनको टोलीमा पनि दुई जनालाई कोरोना संक्रमण भइसकेको छ । स्टार फर्वार्ड डेजान कुलुसेम्स्की र मिडफिल्डर माटियास स्भानबर्गलाई कोरोना पोजिटिभ देखिएको थियो । बुस्केट्सलाई कोरोना भएदेखि स्पेनको पुरै टोली आइसोलेसनमा रहेको छ ।
हाल बोलाइएका ११ जना स्पेनको त्यो अण्डर २१ टोलीका सदस्य हुन जसले स्पेनको युरो कप अभ्यास खेलमा लिथुवानियालाई ४-० ले हराएको थियो ।
हाल छुट्टै बायो बबलमा रहेका १७ जगेडा खेलाडीहरु युरो खेल्ने प्रमुख टोलीको सम्पर्कमा रहने छैनन् । स्पेनको समुहमा स्विडेन बाहेक पोल्याण्ड र स्लोभाकिया रहेका छन् ।