जिनेदिन जिदानले रियल म्याड्रिडका समर्थकहरूलाई खुला पत्र लेख्दै क्लबले आफू माथि विश्वास नगरेका कारण क्लब छाड्न लागेको बताएका छन् । त्यस्तै उनले रियलका अध्यक्ष फ्लोरेन्टिनो पेरेजले सिजनको अन्त्य तिर आएर आफुलाई अवमुल्यन गरेको कारण पनि क्लब छाड्ने निर्णय लिएको खुलासा गरेका हुन् ।
दुई पटक रियल सम्हालेका जिदानले तीनवटा च्याम्पियन्स लिग तथा दुईवटा ला लिगा सान्टियागो बर्नाबेउ भित्राएका थिए । सन् २००९-१० को सिजन पछि उपाधिबिहिन बने पछि उनले रियल छाड्ने घोषणा गरेका हुन् ।
फ्रान्स र रियलका पूर्व खेलाडी जिदानले आफूले क्लब छाड्नुको मुख्य कारण नै पेरेज रहेको पनि खुलासा गरेका हुन् । पेरेजले आफूलाई सहयोग नगरेको पनि उनले जनाए ।
स्पेनको एएसले जिदानले रियलका समर्थकलाई लेखेको खुला पत्र प्रकाशित गरेको थियो । के लेखेका छन् जिदानले पत्रमा ?
“प्रिय रियल म्याड्रिड समर्थकहरू,मैले रियलमा २० वर्ष भन्दा बढी समय बिताए । जब मैले पहिलो पटक सेतो जर्सी लगाए त्यस समय पनि तपाईहरूले मलाई निकै माया दिनु भयो । म यो पत्रमार्फत तपाईहरूसँगअन्तिम पटक बिदा लिन चाहन्छु र मैले क्लब छाड्नुको कारण पनि बताउन चाहन्छु । म अब जाँदैछु । न त मैले अन्य क्लब रोजेको छु न त प्रशिक्षण गर्नबाट थाकेको नै छु । सन् २०१८ को मे मा मैले साढे दुई वर्ष रियल हेरे पछि छाड्ने निर्णय गरेको थिए । त्यस समय मलाई लागको थियो हामीले धेरै उपाधि जितेका थियौं र आज यो भन्दा माथि जानका लागि हामीलाई नयाँ दृष्टिकोणआवश्यक रहेको थियो । तर अहिले परिस्थिति अर्कै छ । अहिले क्लबलाई म प्रति विश्वास रहेन र मेरो राम्रो टोली बनाउने मध्यम र लामो दृष्टिमा पनि क्लबले मलाई साथ दिएन ।”
“मैले फुटबल बुझेको छु र मलाई रियल जस्तो क्लबले के आशा राख्दछ भन्ने पनि राम्रै थाहा छ । मलाई यो पनि थाहा छ कि यदि तपाईंले उपाधि दिलाउन सक्नु भएन भने छाड्न पनि पर्दछ । तर महत्वपूर्ण कुरा सबैले बिर्सिए । मैले राम्रो र उत्कृष्टटोली बनाउनका लागि एक एक दिन गरेको मिहिनेत बिर्सिए । मैले खेलाडी र टोलीसँग रहेका १५० भन्दा बढी मानिसहरूसँग बनाएको सम्बन्ध बिर्सिए । म जन्मजात विजेता हो । म यहाँ ट्रफी जित्न आएको हो । त्यो भन्दा पनि महत्वपूर्ण कुरा भनेको समर्थक, उनीहरूको भावना र जीवन ।”
‘हामीले टोलीका रुपमा जे जति हासिल गरेका छौ म त्यसको आदर चाहन्छु । मैले क्लब र अध्यक्षबाट टोलीका मलाई अन्य अफिसियल भन्दा भिन्न सम्बन्ध रहेको भेटे । मैले पटक्कै पनि सहानुभूति खोजेको हैन तर टोलीलाई फेरी राम्रो बनाउन समय मात्र खोजेको थिए । सबैभन्दा महत्वपूर्ण कुरा भनेको सम्बन्ध हो । सम्बन्ध भनेको नाम र पैसा भन्दा पनि ठुलो हुन्छ । त्यो सबैले पोषित गर्न पर्दछ । पछिल्लो समय मलाई सबैभन्दा ठुलो चोट मिडियाबाट पनि पुगेको छ । जब म पत्र-पत्रिका पढ्छु अथवा टिभी अनलाइन हेर्छु मलाई स्याक गर्ने खबर मात्र प्रकाशित हुन्छ ।
“रियलले अर्को खेल नजितेको खण्डमा जिदान स्याक हुने भन्दै समाचारहरु प्रकाशित हुन्छ । मलाई मात्र हैन यस्तो समाचारले खेलाडीहरुमा र उनीहरूको प्रदर्शनमा पनि असर पर्दछ । मेरो टोलीमा यस्ता खेलाडीहरु छन् जसले अन्तिम सम्म मलाई साथ दिइरहे । त्यसमा म आफैलाई भाग्यमानी ठान्दछु । जब म माथि नराम्रो हुन्थ्यो उनीहरुले उत्कृष्ट प्रदर्शन गर्दै राम्रो नतिजा दिन्थे । उनीहरुलाई मेरो र मलाई उनीहरूको विश्वास थियो ।”