ब्राजिलियन स्टार नेमारले गोल गरेपनि पेरिस सेन्ट जर्माइन रेनेससँग १–१ को बराबरीमा रोक्किदा फ्रेञ्च लिग वानको उपाधि रक्षा गर्ने अभियानमा नराम्रो धक्का लागेको छ ।
सिजनमा मात्र दुई खेल बाकी रहेको स्थितिमा पिएसजी शिर्ष स्थानको लिलभन्दा तीन अंकले पछाडी रहेको छ । लिलको ७९ अंक छ । रेइम्सलाई १–० ले हराउदै मोनाको ७४ अंकका साथ तेश्रो स्थानमा उक्लिएको छ ।
लेभिन कुर्जावामाथि फउल भएपछि प्राप्त पेनाल्टीमा गोल गर्दै नेमारले पिएसजीलाई इन्जुरी समयको अन्तिम मिनेटमा गोल गर्दै पहिलो हाफमा १–० को अग्रता दिलाएका थिए ।
तर ७० औं मिनेटमा सर्हु गुरास्सीले गोल गर्दै खेललाई बराबरीमा टुँगाएका थिए । ८७ औं प्रेस्नेल किम्पेम्बे रेड कार्ड खादै मैदान बाहिरिएका थिए ।
