नेपाली टोलीका उपकप्तान दिपेन्द्र सिंह ऐरी तथा ओपनरद्वय कुशल भुर्तेल र आसिफ शेखलाई माइ सेकेण्ड टिचरले प्रायोजन गरेको छ ।
एक बर्षका लागि भएको सम्झौता अनुसार दिपेन्द्र, कुशल र आसिफ तिनै जना खेलाडीले आफुले प्रयोग गर्ने क्रिकेट ब्याटमा माइ सेकेण्ड टिचर तथा आइएनजी समुहको लोगो प्रयोग गर्नेछन् । हिजो मात्र आइएनजी समुह र खेलाडीहरु बीच सम्झौता भएको हो । सम्झौता रकम नखुलाइएको भए पनि प्रत्येक खेलाडी एक बर्षको करिब पाँच लाख प्राप्त गर्नेछन् ।
यो सम्झौता एएनएस समुह अन्तर्गतको एडप्याड मार्फत भएको हो ।
आइएनजी समुह अन्तर्गतको इनोभेट टेक कम्पनीले प्रयोगमा ल्याएको इन्टरनेट लर्निङ्ग मोबाइल एप्लिकेशन माइ सेकेण्ड टिचर राष्ट्रिय क्रिकेट टोलीको जर्सी स्पोन्सर पनि हो । नेपाली क्रिकेट टोलीको जर्सीको बित्तीय अधिकार प्रदान गरेको एडप्याड मार्फत माइ सेकेण्ड टिचर भित्रिएको थियो ।
