साविक बिजेता रियल म्याड्रिड गेटाफेसँग गोलरहित बराबरीमा रोकिए पछि एट्लेटिको म्याड्रिडले ला लिगाको शिर्ष स्थानमा उक्लिदै तीन अंकको अग्रता लिएको छ ।
एट्लेटिकोले आईबरलाई ५-० ले हराए पछि शिर्ष स्थानमा उसले कब्जा जमाएको हो । एट्लेटिकोको जितमा एन्जल कोरेरा र मार्कस लोरेन्टेले दुई-दुइ गोल गर्दा यानिक कारास्कोले एक गोल गरे ।
पहिलो हाफमा २-० गोलको अग्रता लिएको एट्लेटिकोका लागि दुवै गोल कोरेराले गरेका थिए । दोस्रो हाफमा एट्लेटिकोले तीन गोल थप्यो । ४९ औँ मिनेटमा करास्कोले गोल गरे पछि एट्लेटिले ३-० गोलको अग्रता लियो । त्यस पछि भने मार्कस लोरेन्टेले ५३ र ६८ औँ मिनेटमा गोल गर्दै एट्लेटिकोलाई ५-० को फराकिलो जित दिलाए ।
जितसँगै नतिजाको पर्खाइमा रहेको एट्लेटिकोले रियलको गोलरहित बराबरीसंगै शिर्ष स्थानमा तीन अंकको अग्रता लिएको हो । दोस्रो स्थानको रियलको ६७ अंक छ भने तेस्रो स्थानको बार्सिलोनाको ६५ अंक छ ।
