सुरुवाती ब्याट्सम्यानहरुले मध्य सुरुवात गरे पनि मध्यक्रमका ब्याट्सम्यानहरु चल्न नसक्दा इन्डियन प्रिमियर लिग (आईपीएल) अन्तर्गको आफ्नो दोश्रो खेलमा रोयल च्यालेन्जर्स बेंगलोरले सनराईजर्स हैदराबादलाई १५० रनको मध्यम लक्ष्य दिएको छ ।
खेलमा टस हारेर पहिले ब्याटिङ गरेको बेंगलोरले पुरै २० ओभर खेल्दै आठ विकेटको नोस्कानीमा मात्र १४९ रन बनाउन सक्यो ।
बेंगलोरको तर्फबाट चौथों नम्बरमा ब्याटिङ गर्न आएका ग्लेन म्याक्सवेलले सर्वाधिक रन ५९ बनाए । बेंगलोरको पारीको अन्तिम बलमा आउट भएका उनले ४१ बलको सामना गर्दै पाँच चौका र चार छक्का प्रहार गरे ।
बेंगलोरको तर्फबाट कप्तान बिराट कोहलीले ३३, देवदत्त पडिक्कलले ११ तथा शहबाज अहमदले १४ रन बनाए भने एबी डि भिलियर्स र ड्यान क्रिस्टियन समान १-१, वाशिंगटन सुन्दर आठ तथा कायल जामीसन १२ रनमा आउट भए ।
हैदराबादका जेसन होल्डरले ३० रन खर्चिएर सर्वाधिक तीन विकेट हात पारे भने रशिद खानले चार ओभरमा मात्र १८ रन खर्चिएर दुई विकेट आफ्नो नाममा दर्ता गराए ।