हर्षल पटेलले घातक बलिङ गर्दै पाँच विकेट हात पार्दा मुम्बई इन्डियन्सले १४ औं संस्करणको इन्डियन प्रिमियर लिगको पहिलो खेलमा रोयल च्यालेन्जर्स बेंगलोरलाई १६० रनको मध्यम लक्ष्य दिएको छ ।
खेलमा टस हारेर पहिले ब्याटिङ गरेको मुम्बईले पुरै २० ओभर खेल्दै आठ विकेटको नोक्सानीमा १५९ रन मात्र बनाउन सक्यो ।
मुम्बईको तर्फबाट ओपनर क्रिस लिनले सर्वाधिक ४९ रन बनाए भने सुर्यकुमार यादवले पनि ३१ रनको पारी खेले । त्यस्तै इशान किशानले २८ तथा कप्तान रोहित शर्माले १९ रनको योगदान दिए ।
अन्तिम ओभरमा तीन विकेट लिएका पटेलले चार ओभरमा २७ रन खर्चिएर सर्वाधिक पाँच विकेट हात पारेका हुन् ।