नेपाल पुलिस क्लबलाई पराजित गर्दै होङ्गवान्जी न्यू डायमण्ड क्लब पाँचौ आरबिबि एनभिए राष्ट्रिय महिला तथा पुरुष लिग भलिबल च्याम्पियनसिपको महिला तर्फ शिर्ष स्थानमा उक्लन सफल भएको छ ।
न्यु डायमण्डले पुलिसलाई २५–२२, २५–२२, २५–१६ को सोझो सेटमा पराजित गर्यो । न्यु डायमण्ड ४ खेलबाट कुल १० अंकका साथ शिर्ष स्थानमा उक्लन सफल भएको हो । एपिएफ क्लबको पनि समान १० अंक रहेता पनि सेट अन्तरका आधारमा बिभागीय टोली दोश्रो स्थानमा रहेको हो ।
एपिएफले भरतपुर मेट्रो क्लबलाई २५–१३, २५–७, २५–९ को सोझो सेटमा पराजित गर्यो । तेश्रो स्थानमा ८ अंकका साथ त्रिभुवन आर्मी क्लब र ८ अंकमै रहेको नेपाल पुलिस क्लब सेट अन्तरका आधारमा चौथो स्थानमा रहेको छ । भरतपुर मेट्रोको ३ अंक र ढोरपाटन स्पोर्टसले अहिलेसम्म खाता खोल्न सकेको छैन ।
दशरथ रङ्गशाला कभर्डहलमा भएको प्रतियोगिताको पुरुष तर्फ नेपाल पुलिस क्लब एपिएफमाथि भारी पर्यो । पहिलो र दोश्रो सेट २५–२१, २५–२३ ले आफ्नो पक्षमा पार्दै जित नजिक पुगेको पुलिस तेश्रो र चौथो सेट २०–२५, १७–२५ ले एपिएफलाई सुम्पन पुग्यो ।
पाँचौ तथा अन्तिम सेटमा १५–१३ अंकले जित हात पार्दै रोमाञ्चक जित निकाल्न सफल भयो । पुलिसले दुई र एपिएफले १ अंक जोड्यो । पुलिसको ५ खेलबाट ९ अंक रहेको छ । त्यस्तै हारका बावजुद एपिएफको १० अंक भएको छ ।
अर्को खेलमा टिपटप हेल्प नेपाल क्लबले त्रिभुवन आर्मी क्लबलाई २५–१७, २५–१९, २५–१६ ले पराजित ग¥यो । सोझो सेटमा पराजित गरेको हेल्पले आफ्नो अंक तालिकामा महत्वपूर्ण ३ अंक जोड्दै १५ अंकका साथ शिर्ष स्थान कायमै राखेको छ ।
प्रतियोगितामा लिगमा शिर्ष दुई स्थानमा रहेका टिम उपाधीका लागि प्रतिस्पर्धा गर्ने छन् ।
