सुमन खतिवडाले नेपाली घरेलु ट्वान्टी ट्वान्टी महिला क्रिकेटमा दुर्लभै देखिने ब्याटिङ्ग प्रदर्शन गरेपछि लुम्बिनी मेयर ११ ले ललिपुर मेयर कपमा लुम्बिनी प्रदेशलाई २८ रनले पराजित गर्दै पुनरागमन गरेको छ ।
पहिलो दिन सुदुर पश्चिम प्रदेशसँग ७ विकेटले पराजित भएको ललितपुरका लागि सुमनले ५२ बलमा ७७ रनको शानदार इनिङ्गस खेल्दै प्रतियोगिताकै उच्च योगफल १ सय ४४ रनसम्म डोर्याइन् । जवाफमा लुम्बिनीले २० ओभरमा ७ विकेटको क्षतिमा १ सय १७ रन बनायो ।
लुम्बिनीको माथिल्लो चारमध्ये तीन जनाले राम्रो ब्याटिङ्ग गरेपनि फिनिसिङ्ग दिन भने सकेनन् । सरस्वती जिएम ५२ बलमा ४६ रन बनाउदै नटआउट रहिन् । उनले दुई चौका प्रहार गरेकी थिइन् । ओपनर नितु भण्डारी र कप्तान नेरी थापाले समान २० रन बनाएका थिए ।
यसअघि ३६ रनमै पाँच विकेट गुमाएको लुम्बिनीका लागि सुमनले छैटौं विकेटका लागि अस्मिना कर्माचार्यसँग १ सय ८ रनको साझेदारी गरेकी थिइन् । प्रभावशाली ब्याटिङ्ग गरेकी सुमनले ९ चौका र दुई छक्का प्रहार गरेकी थिइन् । अस्मिना २८ बलमा २० रन बनाउदै नटआउट रहिन् ।
सुमनले प्रतियोगिताकै उच्च व्यक्तिगत योगफल र ठूलो पार्ट्नरसिप पनि गरेकी थिइन् ।