काठमाडौंमा सम्पन्न थ्री नेसन्स कपको बिजेता टोली नेपालका खेलाडीहरुलाई अखिल नेपाल फुटबल संघ (एन्फा) ले जनही एक लाख दिने भएको छ ।
एन्फाले मंगलबार एक बिज्ञप्ती निकाल्दै थ्री नेसन्सको बिजेता टोली नेपाललाई ५ हजार अमेरिकी डलर र हरेक खेलाडीलाई जनही एक लाख दिने जनाएको हो ।
नेपाली सिनियर फुटबल टोलीले बङ्गलादेशलाई हराउँदै ३६ बर्षपछि घरेलु भुमिमा उपाधि जितको थियो । १९८४ को दक्षिण एसियाली खेलकुदको फुटबलमा स्वर्ण जितेको नेपालले सोमबार थ्री नेसन्स कपको फाइनलमा बङ्गलादेशलाई २–१ ले पराजित गर्दै उपाधि जितेको हो । नेपालका लागि फाइनलमा सन्जोग राई र बिशाल राईले एक-एक गोल गरेका थिए ।
थ्री नेसन्स कपमा किर्गिस्तान यु-२३, बङ्गलादेश र आयोजक नेपालले खेलेका थिए । जहाँ नेपाल च्याम्पियन बन्दै ट्रफी घरमा राख्न सफल भएको थियो ।
