आगामी शनिबारबाट सुरु हुने ललितपुर मेयर महिला च्याम्पियनसिपका लागि नेपाल क्रिकेट संघ (क्यान) ले ललितपुर मेयर ११ को टोली सार्वजनिक गरेको छ ।
दाङमा भएको प्रधानमन्त्री कप महिला राष्ट्रिय क्रिकेट प्रतियोगिताबाट समुह चरणबाट नै बाहिरिएका टोलीहरुबाट उत्कृस्ट १४ खेलाडी समावेस गरिएको मेयर ११ को कप्तानी सरस्वती चौधरीले सम्हाल्ने छिन् ।
ललितपुर मेयर महिला च्याम्पियनशिप चैत्र २१ गतेबाट चैत्र २८ गते सम्म टियु क्रिकेट मैदानमा खेलाइने छ ।
प्रतियोगितामा दाङमा आयोजना भएको महिला प्रधानमन्त्री कपको सेमीफाइलिस्ट टोलीहरु प्रदेश १, एपीएफ, सुदुरपश्चिम प्रदेश र लुम्बिनी प्रदेशसँगै अन्य प्रदेश टिमका उत्कृस्ट खेलाडीहरुबाट बनेको संयुक्त टोली ललितपुर ११ को सहभागिता रहने छ ।
ट्वान्टी ट्वान्टी ढाँचामा खेलाइने प्रतियोगितामा एक चरणको राउण्ड रोेबिन लिगपछि शिर्ष स्थानका दुई टोली सिधै फाइनल प्रवेश गर्नेछन् ।
ललितपुर मेयर ११ : सरस्वती चौधरी, अनुराधा चौधरी, कविता गौतम, शोभा आले, विमला मगर, बिन्दु कटवाल, सुमन खतिवडा, कन्चन श्रेष्ठ, आरती विडारी, अश्मिना कर्माचार्य, केनुका बस्नेत, सृष्टि पौडेल, अनिसा लामिछाने, निशा रावल