जिम्बाब्वेलाई शुक्रबार दोश्रो खेलमा हराएसँगै अफगानिस्तान कप्तान अस्गर अफगानले भारतका पूर्व कप्तान महेन्द्र सिंह धोनीको ट्वान्टी ट्वान्टी अन्तर्राष्ट्रियमा सर्वाधिक जितको किर्तिमानको बराबरी गरेका छन् ।
धोनीको कप्तानीमा भारतले ४१ ट्वान्टी ट्वान्टी अन्तर्राष्ट्रियमा जित हात पारेको थियो । धोनीलाई ४१ जितका लागि ७२ खेल लाग्दा अफगानले भने ५१ खेलमै यो उपलब्धि हात पारेका हुन् ।
यस्तै अफगानिस्तानको ट्वान्टी ट्वान्टी अन्तर्राष्ट्रियमा अस्गरको कप्तानीमा बिजय औषत ८१ दशमलव ३७ प्रतिशत रहेको छ । ३३ वर्षिय अस्गरले अफगानिस्तानका लागि किर्तिमानी ४६ खेलमा कप्तानी समेत गरिसकेका छन् ।
यो कुनैपनि कप्तानले एक टोलीका लागि नेतृत्व गरेको सबैभन्दा बढी ट्वान्टी ट्वान्टी अन्तर्राष्ट्रिय हो । अबु धाबीको शेख जायद स्टेडियममा शुक्रबार जिम्बावे माथि एकपक्षीय जितका साथ अफगानको टोली श्रंखला क्लिन स्विप गर्ने दाउमा रहेको छ ।
“यो मेरो लागि निकै गर्वको कुरा हो कि मैले मेरो टोलीसँग यहाँ सम्म खेलेको छु र अझै पनि धेरै खेलहरु जिताउन चाहन्छु,“ अस्गरले तेस्रो ट्वान्टी ट्वान्टी अघि भने ।
