थ्रि नेशन्स कपको खेल तालिका सार्वजनिक, नेपालको पहिलो खेल किर्गिस्तान विरुद्ध 

अखिल नेपाल फुटबल संघ (एन्फा) ले आगामी हप्ताबाट सुरु हुने थ्रि नेशन्स कपको खेल तालिका सार्वजनिक गरेको छ । एन्फाको आयोजनामा दशरथ रंगशालामा सुरु हुने प्रतियोगिताको आफ्नो पहिलो खेलमा नेपालले किर्गिस्तानको सामना गर्नेछ ।

२३ तारिकबाट सुरु हुने प्रतियोगिताको उद्घाटन खेलमा बंगलादेश र किर्गिस्तान भिड्ने छन् भने नेपालले आफ्नो पहिलो लिग खेलमा मार्च २५ तारिकमा किर्गिस्तानसँग भिड्ने छ ।

समुह चरणको अन्तिम खेलमा नेपालले मार्च २७ मा बंगलादेशको सामना गर्नेछ ।

समुह चरणमा शिर्ष दुई स्थान हात पार्ने टोलीले मार्च २९ मा उपाधिका लागि प्रतिस्पर्धा गर्नेछन् ।

थ्रि नेशन्स कपको खेल तालिका 
मार्च २३ – बंगलादेश विरुद्ध किर्गिस्तान
मार्च २५ – नेपाल विरुद्ध किर्गिस्तान
मार्च २७ – नेपाल विरुद्ध बंगलादेश

मार्च २९ – फाइनल