एसियन फुटबल महासंघले (एएफसी) ले कोभिड १९ का कारण प्रभावित विश्वकप चानोट तथा एसिया कप छनोटका एसियन क्वालिफायर्सका खेलहरु कुवेतमा हुने जनाएको छ । नेपाल सहित समुह बि मा रहेका अष्ट्रेलिया,कुवेत,जोर्डन,चाइनिज ताइपेले पनि बाँकी खेल कुवेतमा खेल्ने छ ।
यस्तै छनोट अन्तर्गत समूह ए को बाँकी खेल चीन, समूह सी को बहरेन, समूह डी को साउदी अरेबिया, समूह ई को कतार, समूह एफ को जापान, समूह जी को युएई र समूह एच दक्षिण कोरियामा हुने पनि एएफसीले आफ्नो वेबसाइटमा बताएको छ ।
नेपालको तथा अन्य धेरै देशको खेलहरु मे महिनाको अतराष्ट्रिय बिश्राममा हुनु पर्ने भए पनि कोरोनाका कारण जुन को बिश्राममा खेल्ने छ ।
छनोट चरणमा नेपालले तीन खेल खेल्न बाँकी रहेको छ । नेपालले अष्ट्रेलिया, जोर्डन र चाईनिज ताइपेसँग खेल्न बाँकी रहदा आफ्नो सबै खेल कुवेतमा खेल्ने छ । नेपालको पाँच खेल खेलिसक्दा चाइनिज ताइपे माथि जित हात पार्दै तीन अंक बनाएको छ ।
