एक बर्षअघि एन्फिल्डको प्रदर्शनपछि उत्कृष्ट खेलाडीमा परिणत भएका लोरेन्टे

लिभरपुलबिरुद्ध एन्फिल्डमा क्लबबाट डेब्यु गरेको एक बर्ष पछि मार्कस लोरेन्टे एट्लेटिको म्याड्रिडको स्पेनिस ला लिगा उपाधि अभियानमा मुख्य शक्ति भएर आएका छन् ।

च्याम्पियन्स लिगको चार सिजनमा गर्न सकेको मात्र दुई गोल उनले लिभरपुलबिरुद्ध एउटै खेलबाट पुरा गरेका थिए । लिभरपुलमाथिको ३–२ को जितमा उनले अल्भारो मोराटालाई पनि असिस्ट गरेपछि एट्लेटिकोले सनसनीपूर्ण नतिजा निकालेको थियो ।

उक्त खेलको १२ महिनापछि लोरेन्टेले ला लिगामा ९ गोल गर्नुका साथै आठ असिस्ट पनि दिएका छन् । १७ गोलमा रहेको उनको योगदानलाई यो सिजन लियोनल मेस्सी, लुईस सुवारेज र करिम बेन्जेमाले मात्र पछाडी पारेका छन् ।

पछिल्लो पटक उनले बुधबार एथ्लेटिक बिल्बाओबिरुद्ध गोल गरेका थिए । बक्समा दु्रत गतिका साथ कुद्दै हेडर मार्फत गोल गरेका उनले बिजयी गोलमा पनि असिस्ट गरे । उनले निकालेको थ्रु बललाई कलेक्ट गर्न जाँदा लुईस सुवारेजलमाथि फउल भएपछि एट्लेटिकोले पेनाल्टी पाएको थियो ।

लिभरपुलबिरुद्ध दिएको म्याच विनिङ्ग प्रदर्शनलाई लोरेन्टेले आफ्नो करिअरको टर्निङ्ग पोइन्टको रुपमा लिएका छन् । त्यो प्रदर्शनको खुशीयाली मनाउन आफ्नो कुकुरको नाम पनि एन्फिल्ड राखेका लोरेन्टेलाई आफ्नो करिअरमा यस्तो नाटकीय परिवर्तन आउने सोचेका पनि थिएनन् होला ।

एन्फिल्डमा लिभरपुलबिरुद्ध गरेको प्रदर्शनपछि लोरेन्टेको प्रदर्शनको ग्राफ

यदि ला लिगा भोली नै सक्किने हो भने लोरेन्टे बार्सिलोनाबाट आउदै १८ गोलसहित एट्लेटिकोलाई शिर्ष स्थानमा ६ अंकको अग्रता दिलाउन प्रमुख भुमिका निभाएका सुवारेज भन्दा अगाडी बर्ष खेलाडीको प्रमुख दाबेदार नै रहनेछन् ।

यदि सुवारेजले एट्लेटिकोलाई फिनिसिङ्ग टच दिएका छन् भने लोरेन्टे क्लबको ड्राइभिङ्ग फोर्स नै भएका छन् । उनको गति, उर्जा, निस्वार्थ खेल र एकै भुमिकामा सिमित नरहने बिशेषता नै क्लबले यो सिजन देखाएको खेललाई सुहाउदो छ ।

“मार्कस एक बर्षदेखि मिहिनेतको प्रतिमुर्ति बन्दै आएका छन् । उनी क्लब आए । न टिममा परे न त बेञ्चमै । तर निरन्तर मिहिनेत गर्दै उनी अहिले यो स्थानसम्म आइपुगेका हुन्,” एट्लेटिको प्रशिक्षक डिएगो सिमिओनेले भने ।

लोरेन्टे बर्षौदेखि संघर्ष गर्दै आइरहेका थिए । १३ बर्षको उमेरमा उनले रियल म्याड्रिडको एकेडेमीमा भर्ना लिए । त्यहा उनी पहिलो टिममा खेल्ने सपना बोकेर हिँडेका थिए । तर त्यहा उनको लागि अवसर र बिश्वासको कमि रह्यो ।

एक बर्ष लोनमा आलाभेसमा बिताएपछि उनी रियल फर्किए । रियलले उनलाई मौका दिनका लागि खासै योजनामा नराख्दा उनको सिजन निकै खराब गयो । एट्लेटिकोले उनलाई लिनै प्रस्ताव राखेपनि रियलले उनलाई ४० मिलियन युरोमा बेच्यो ।

एक डिफेन्सिभ मिडफिल्डर खेलको लागि संघर्ष गर्नु अचम्मको कुरा हुन सक्छ तर दुई बर्षपछि एट्लेटिको युरोपकै उत्कृष्ट मध्येका एक आक्रमक खेलाडी आफूसँग रहेकोमा गर्व गर्न सक्छ । २६ बर्षिय लोरेन्टे अब यसै बर्ष हुने युरो कपका लागि स्पेनको प्रमुख हतियार पनि बन्न सक्छन् ।

“प्रशिक्षकको रुपमा उपाधिहरु जित्दा तपाईलाई उत्साहित बनाउनुका साथै तपाईको करिअरलाई थप उचाई दिएको महसुस हुन सक्छ । तर कोही राम्रो फुटबलरको रुपमा हुर्केको हेर्दा कुनै पनि प्रशिक्षक अझै प्रेरित हुन सक्छन्,” सिमिओनेले भने । उपाधिमा राम्रो पकड रहेको कारण सिमिओनले यो सिजन दुवै अनुभव गर्न सक्ने छन् ।