‘बी’ डिभिजन लिगको आफ्नो अन्तिम खेलमा नयाँबस्ती युवा क्लबसँग पराजित भए पछि पुल्चोक स्पोर्ट्स क्लब सहिद स्मारक ‘सी’ डिभिजन लिगमा घटुवा भएको छ ।
नयाँबस्ती युथ क्लबसँग २-१ गोल अन्तरले पराजित भएपछि पुल्चोक सी डिभिजनमा घटुवा भएको हो ।
बी डिभिजनमै रहन पुल्चोकलाई अन्तिम खेल जित्नै पर्ने दवाब रहेको थियो तर, नयाँबस्तीसँग पराजित भए लगतै पुलचोक घटुवा भएको हो ।
नयाँबस्तीलाई जित दिलाउन अशोक तामाङ र विवेक गुरुङले एक एक गोल गरे । पुल्चोकका लागि भने श्यारब लो तामाङले एक गोल फर्काए ।
खेलको १९ औं मिनेटमा अशोकले गोल गर्दै नयाँबस्तीलाई अग्रता दिलाएका थिए । खेलको ५८ औं मिनेटमा शिरबले गोल गर्दै पुल्चोकलाई १-१ को बराबरीमा ल्याए पनि त्यसपछि खेलको ६३ औं मिनेटमा विवेकले गोल गर्दै नयाँबस्तीलाई २-१ को जित दिलाए ।
जितसँगै नयाँबस्तीले भने ११ खेलमा १५ अंक जोड्यो । नयाँबस्ती नवौं स्थानमा रहेको छ । हारसँगै पुछारमा रहदै लिग सकाएको पुल्चोकले ११ खेलमा ५ अंक छ ।