भारतका स्टार क्रिकेटर हार्दिक पाण्ड्याले बिश्वकै ठूलो क्रिकेट मैदानको रुपमा रहेको अमदाबादको सरदार पटेल स्टेडियममा अभ्यास्त हुनका लागि नै आफूहरुलाई एक घण्टा लागेको बताएका छन् ।
मोटेरामा रहेको रँगशालालाई भारतले केही समय अघि १ लाख १० हजार दर्शक क्षमताको बनाएको थियो । बुधबार भारत र इङ्गल्याण्डबीचको तेश्रो टेस्टसँगै यसको उद्घाटन हुन गइरहेको छ । यो स्टेडियमको निर्माणसँगै अष्ट्रेलियाको मेलबोर्न क्रिकेट ग्राउण्ड बिश्वको दोश्रो ठूलो क्रिकेट रँगशालाको रुपमा धकेलिएको हो । एमसिजीको दर्शक क्षमता १ लाख २४ रहेको छ ।
“सबै केटाहरुले स्टेडियम निकै मन पराए । इमान्दार भएर भन्नु पर्दा हामीलाई मैदानको साइजसँग अभ्यस्त हुन एक घण्टा जति लागेको थियो । जस्तो सुविधा यो स्टेडियममा छ त्यो देखेर सबैले मन पराउने छन् र म यो भारतमा भएको निकै गर्व मान्छु,” पाण्ड्याले स्टेडियमबाट लिइएको एक सेल्फिसँगै आफ्नो सामाजिक सञ्जालको पोस्टमा लेखेका छन् ।
स्टेडियमको ड्रेसिङ्ग रुमसँगै रहेको जिम यसअघि दुनियामा अन्य कुनै रँगशालामा नदेखेको उनले बताए । “ड्रेसिङ्ग रुमसँगै कनेक्ट भएको जिम मैले कतै पनि देखेको थिइन । मैले पहिलो पटक यस्तो देख्दै थिए,” उनले भने । “म गुजरात क्रिकेट एशोसिएसनले गरेको कामको एकदम सराहना गर्छु ।”
भारत र इङ्गल्याण्डबीच गुजरातमा डे नाइट टेस्ट हुन गइरहेको हो । चार म्याचको टेस्ट श्रृंखला हाल १–१ को बराबरीमा रहेको छ ।
