ओसाकाको उदयः लजालु युवतीदेखि चार पटककी ग्राण्ड स्ल्याम च्याम्पियन

लोकल फेभरेट जेनिफर ब्रेडीलाई शनिबार अष्ट्रेलियन ओपनको फाइनलमा पराजित गर्दै नाओमी ओसाकाले निकै द्रुत गतिमा महिला कोशेढुँगा पार गरिन् ।

दुनियाँलाई सधै नयाँ नजरबाट हेर्ने र कोर्ट भित्र र बाहिर गम्भिर रहने स्वभावका कारण नै २३ बर्षिय ओसाका अहिले संसारमा सेरेना विलियम्ससँगै सबैभन्दा परिचित महिला एथ्लिट बन्न सफल भएकी छिन् । तर कोर्टबाहिर देखाउने शिष्टता र कोर्ट भित्र च्याम्पियन खेलाडीमा हुने गुणका कारण उनी अन्य भन्दा फरक छिन् ।

“तपाईलाई जेनि भनेको मन पर्छ की जेनिफर ?,” फाइनलमा ब्रेडीलाई हराएपछि बिजयी भाषण दिनुअघि उनले सोधेकी थिइन् । यो ओसाकाको असली चरित्र थियो । सेरेनालाई सेमिफाइनलबाट बाहिर पठाउदा उनले २३ पटककी ग्राण्ड स्ल्याम च्याम्पियनलाई झुकेर सम्मान दिएकी थिइन् ।

न्यु क्विन

यसै साता नयाँ बरियता सार्वजनिक हुदाँ ओसाका बिश्व नम्बर दुई खेलाडी बन्ने छिन् । उनी २०१९ मा नै शिर्ष स्थानमा पुगिसकेकी थिइन् तर लगातार २१ खेलमा अपराजित हुदै हात पारेको यो उपलब्धिले उनी टेनिसको नयाँ रानी रहेको मान्यता स्थापित गर्नेछ ।

एक बर्ष अघि तेश्रो चरणमा १५ बर्षिय कोको गउफसँग पराजित हुँदा उनको अष्ट्रेलियन ओपनको उपाधि रक्षा गर्ने अभियानमा धक्का लाग्दा उनले थेगेको अपेक्षाको भारपछि अहिले स्थिति निकै फरक छ ।

“उनी निकै नर्भस देखिन्थिन्, दवाबमा थिइन् र यो हुनुको कारण उनले आफुले सामना गरिरहेको समस्या कसैलाई भनेकी थिइनन्,” ओसाकाको प्रशिक्षक विम फिसेटले भने । केही हप्तापछि नै उनले फेड कपमा स्पेनकी सारा सोरिबेस टोर्मोबिरुद्ध मात्र तीन खेल जितेपछि ओसाका बिक्षिप्त भइन् ।

“त्यो समयमा धेरै कुराहरु भए । यसैले गर्दा मैले जिन्दगीको बारे सोच्न थाले । मैले अरुलाई साबित गर्न टेनिस खेल्दैछु कि आफूले आनन्द उठाउनको लागि खेलिरहेको छु भन्ने भयो,” ओसाकाले त्यो समयको आफ्नो मनोभाव व्यक्त गरिन् ।

तर महामारीको दौरान सबैकुरा परिवर्तन भयो । नयाँ दृष्टिकोण सहित अघि बढ्न थालेकी ओसाका अमेरिकामा रँगभेदबिरुद्धको लडाइमा चर्को आवाज उठाउने नेतृ बनिन् । सामाजिक अन्यायबिरुद्धकी अभियन्ता बनेपछि उनी मानसिक रुपमै सशक्त बनिसकेकी छिन् ।

धेरै शंकाहरु

“मलाई सबैभन्दा गर्व लागेको कुरा नै आफू मानसिक रुपमा निकै बलियो बन्नु हो । मेरो सोच कहिले माथि त कहिले तल हुने गथ्र्यो । मलाई आफैमाथि निकै शंका थियो । मलाई लाग्छ क्वारेन्टिनको प्रकृया र बिश्वका घट्नाक्रमले मलाई संसार हेर्ने नयँ दृष्टिकोण दिएको थियो,” उनले भनिन् ।

कुनै समय लजालु र स्टारडमबाट असहज महसुस गर्ने गरेकी ओसाकाले आफ्नो लाइमलाइटको प्रयोग गर्दै मेलबर्न पार्कमा बिवादास्पाद बिषयहरुमा आफ्नो धारणा समेत राखिन् । यस क्रममा उनले टोकियो ओलम्पिकका प्रमुख योसिरो मोरीको सेक्सिस्ट टिप्पणीहरुको पनि निन्दा गरेकी थिइन् ।

स्टारडमले आकाश छुदै गर्दा विलियम्सलाई पछि पार्दै बिश्वकै सबैभन्दा धनी महिला एथ्लिट भएपनि ओसाका भने धरातलमै रहेर व्यहार गर्ने गर्छिन् ।

जापानमा अक्टोबर १६, १९९७ मा जन्मिएकी ओसाकाको परिवनर उनी एक बर्षको हुँदा नै अमेरिका बसाई सरेको थियो । हाइटीका नागरिक उनका बुवा लियोनार्डले न्यु योर्कबाट अध्ययनका लागि जापानमै रहदा ओसाकाकी आमा तामाकीसँग भेटेर बिवाह गरेका थिए । फ्लोरिडामा स्थायी बसोबार रहेको उनीसँग अहिले जापान र अमेकिाको दोहोरो नागरिकता रहेको छ ।

२०१६ को अष्ट्रेलियन ओपनबाट ग्राण्ड स्ल्याममा डेब्यु गर्दै उनले आफूलाई ठूलो मञ्चको खेलाडीको रुपमा बिकास गरेकी थिइन् । स्थापित हुनका लागि केही समय लागेपछि २०१८ को निकै बिवादास्पद युएस ओपन फाइनलमा उनले सेरेनालाई सोझो सेटमै पराजित गर्दै सनसनी मच्चाइन् ।

त्यो एक पटकको सफलता मात्रै नरहेको साबित गर्दै उनलै केही महिनामै मेलबोर्न पार्कमा अष्ट्रेलियन ओपन पनि जितिन् । २१ बर्षको उमेरमै ओसाका बिश्व नम्बर एक बनिन् तर उनले निकै अपूर्ण भने महसुस गरिन् ।
“त्यसले (बिश्व नम्बर एक बन्दा) ममाथि निकै दवाब राख्यो किनभने मैले सोच्थे अब म बिरुद्ध बिश्व नै लाग्नेछ,” उनले भनिन् ।