च्याम्पियन्स लिग अन्तिम १६ को पहिलो लेगमा जर्मन टोली आरबी लाइपजिगमाथि २–० को जित धेरैको लागि अनपेक्षित रहेको लिभरपुल व्यवस्थापक योर्गन क्लोपले बताएका छन् ।
लाइपजिगमा कोभिड–१९ को प्रतिबन्धका कारण हँगेरीको राजधानी बुडोपेस्टमा भएको खेलमा मोहम्मद सलाह र सादियो मानेले दोश्रो हाफमा पाँच मिनेटको अन्तरमा गोल गरेपछि लिभरपुलले महत्वपूर्ण अग्रता लिएको छ । इङ्गलिस प्रिमियर लिगमा लगातार तीन पराजयपछि क्लोपले उपाधिका लागि हात उठाइसक्दा लिभरपुलको लागि यो नतिजा आएको हो ।
निरन्तर गल्ति गरिरहेको जर्मन टोली लाइपजिगबिरुद्ध लिभरपुल मङ्गलवार अघिल्लो सिजनको जस्तो बलियो टोली देखिएको थियो । उसको अनुभवी टोलीले निकै उत्कृष्ट खेल पस्केको थियो ।
“अहिलेको स्थितिलाई मुल्यांकन गर्दै धेरैले हामी यो खेलमा पनि खस्कने अपेक्षा गरेका थिए । तर मेरो केटाहरुले थिएनन् र म यसमा भने खुशी छ् । यो यस्तो खेल हो जुन हामीलाई चाहिएको थियो । लाइपजिग निकै खतरनाक बन्न सक्छ । उनीहरु शारिरिक खेल खेल्छन् तर आजको खेल हामी नियन्त्रणमा लिन सफल भयौं,” क्लोपले खेलपछि भने ।
लिभरपुलले पोजेसनमा डोमिनेट गर्दै राम्रो अवसरहरु सृजना गरेपनि लाइपजिगको दुई डिफेन्सिभ गल्तिहरुका कारण खेल उसको हातबाट पूर्ण रुपमा खुस्किएको थियो । सलाहले राम्रो सतर्कता देखाउदै कमजोर ब्याक पासलाई खोस्दै ५३ औं मिनेटमा पहिलो गोल गरेका थिए ।
नोर्डी मुकिएलीको कमजोर क्लियरेन्सको फाइदा उठाउदै मानेले बिजयी गोल गरेका थिए । लिभरपुललाई भाग्यले पनि साथ भने दिएको थियो । खेल शुरु भएको पाँच मिनेटमा नै एन्जेलिनोको क्रसमा ड्यानी ओल्मोले प्रहार गरेको हेडर पोस्टको मुनि लागे पनि गोल लाइन कटेको थिएन ।