राष्ट्रिय महिला लिग फुटबलमा एपिएफले वालिङ नगरपालिका स्याङ्जालाई पराजित गर्दै आफ्नो अपराजित यात्रा कायम राखेको छ ।
शनिबार भएको खेलमा एपिएफले वालिङ नगरपालिकालाई ६-० ले हरायो ।
सातदोबाटोस्थित एन्फा कम्प्लेक्समा एपीएफलाई जित दिलाउन सावित्रा भण्डारीले ५ गोल गरिन् भने प्रिती राईले एक गोल गरिन ।
यो एपिएफको लगातार नवौं जित हो । जितसँगै एपीएफले ९ खेलमा २७ अंक जोडेको छ । एपीएफ अपराजित रहने एक्लो टिम हो ।
एपिएफले प्रतियोगितामा एक गोल पनि खाएको छैन ।
