राष्ट्रिय महिला लिग फुटबलमा एपिएफले चन्द्रपुर नगरपालिका रौटहटलाई पराजित गर्दै अपराजित यात्रालाई कायम राखेको छ ।
सातदोबाटो स्थित एन्फा कम्प्लेक्समा बुधबार चन्द्रपुर नगरपालिकालाई ८-० गोलले पराजित गर्दै एपीएफले लगतार आठौँ जित निकालेको हो ।
एपीएफको जितमा स्टार स्ट्राइकर सावित्रा भण्डारीले ह्याट्रिकसहित ६ गोल गरिन् । यस्तै कप्तान अनिता बस्नेतले २ गोल गरिन् ।
जितसँगै एपीएफले ८ खेलमा २४ अंक जोडेको छ । चन्द्रपुरले ८ खेलमा ६ अंक जोडेको छ । चन्द्रपुर लिगको छैटौं स्थानमा रहेको छ ।
