कप्तान जो रुटको अविजित शतक तथा डोम सिब्लीको अर्धशतकको मद्धतमा घरेलु टोली भारत विरुद्धको पहिलो टेस्टमा इंग्ल्यान्डले राम्रो सुरुवात गरेको छ ।
खेलमा टस जितेर पहिले ब्याटिङ गरेको इंग्ल्यान्डले पहिलो दिनको खेलको समाप्तीमा ८९ दशमलब तीन ओभर खेलल्दै तीन विकेटको नोक्सानीमा २६३ रन बनाएको छ ।
इंग्ल्यान्डको तर्फबाट आफ्नो एक सयौं खेलमा कप्तान जो रुट १२८ रनमा अविजित रहेका छन् । टेस्ट क्रिकेटमा २० औं शतक प्रहार गरेका रुटले १९७ बल खेल्दै १४ चौका र एक छक्का प्रहार गरे । २५ दशमलब चार ओभरमा ६६ रनको अवस्थामा दुई विकेट गुमाएको इंग्ल्यान्डको पारी सम्हाल्ने क्रममा रुटले ओपनर सिब्लीसँग मिलेर तेश्रो विकेटका लागि २०० रनको साझेदारी गरे । शतक बनाउन चुकेका सिब्लीले २८६ बलको सामना गर्दै १२ चौका सहित ८७ रन बनाए ।
इंग्ल्यान्डका अर्का ओपनर रोरी बर्न्स ६० बल खेल्दै ३३ रनमा आउट भए भने तेश्रो नम्बरमा ब्याटिङ गर्न आएका ड्यान लरेन्स पाँच बल खेल्दै रनको खाता नखोली पेभेलियन फर्किए ।
भारतका तिब्र गतिका बलर जस्प्रित बुम्राले सर्वाधिक दुई तथा वाशिंगटन सुन्दरले एक विकेट आफ्नो नाममा दर्ता गराउन सफल भए ।