आफ्नो पहिलो पारीमा शतक प्रहार गरेका मेहिदी हसन बलबाट पनि चम्के पछि घरेलु टोली बंगलादेश वेस्ट इन्डिज विरुद्धको पहिलो टेस्टमा हाबी भएको छ ।
बंगलादेशले आफ्नो पहिलो पारीमा बनाएको ४३० रन पक्ष्याएको वेस्ट इन्डिजले आफ्नो पहिलो पारीमा २५९ रन बनाउँदा आफ्ना सबै विकेट गुमाए पछि १७१ रन पछि पर्यो । आज नै दोश्रो पारी सुरु गरेको बंगलादेशले दिनको खेलको समाप्तीमा तीन विकेटको नोक्सानीमा ४७ रन बनाएको छ र २१८ को अग्रता लिन सफल भएको छ ।
तेश्रो दिनको खेल दुई विकेटको नोक्सानीमा ७५ रनको अवस्थाबाट सुरु गरेको वेस्ट इन्डिजले १८४ रन जोड्दा आफ्ना सबै विकेट गुमाउन पुग्यो ।
वेस्ट इन्डिजलको अगि कप्तान तथा ओपनर क्रेग ब्राथवैटले सर्वाधिक ७६ रन बनाए भने जर्माइन ब्ल्याकउडले ६८ रनको पारी खेले । त्यस्तै विकेट किपर जोशुवा डा सिल्भाले ४२ तथा कायल मायर्सले ४० रनको योगदान दिए ।
बंगलादेशका मेहिदी हसन मिर्जाले सर्वाधिक चार विकेट हात पारे भने मुस्तफिजुर रहमान, तैजुल इस्लाम र नईम हसनले समान दुई-दुई विकेट आफ्नो नाममा दर्ता गराए ।
यस अघि बंगलादेशको तर्फबाट हसनले १०३ रन बनाए भने शकिब अल हसनले अनि ६८ रनको योगदान दिए । टेस्टमा आफ्नो पहिलो शतक प्रहार गरेका हसनले १६८ बल खेल्दै १३ चौका प्रहार गरे ।
बंगलादेशका अन्य ब्याट्सम्यानहरुमा शदमान इस्लामले ५९, नज्मुल होसेन श्यान्टो २५, कप्तान मोमिनुल हक २६, मुश्फिकर रहिम र विकेट किपर ब्याट्सम्यान लिटन दासले समान ३८ – ३८ रनमा आउट भए ।
वेस्ट इन्डिजका जोमेल वारिकनले सर्वाधिक चार विकेट हात पारे ।
