नेपाल एपिएफ क्लबले राष्ट्रिय महिला लिग फुटबलमा लगातार पाँचौ जित निकालेको छ ।
सातदोबाटोस्थित एन्फा कम्प्लेक्समा शनिबार भएको खेलमा स्याङ्गजाको वालिङ नगरपालिकालाई ३-० गोलले पराजित गर्दै लगतार जित निकालेको हो ।
एपीएफको जितमा सावित्रा भण्डारीले दुई गोल गरिन भने प्रीती राईले एक गोल गरिन ।
वालिङले खेलमा एपिएफलाई राम्रो डेफेन्सिभ खेल खेलाएको थियो ।
खेलको १३ औं मिनेटमा सावित्राको गोलबाट एपीएफले अग्रता बनाएको थियो ।
पहिलो हाफमा १-० ले अघि रहेको एपिएफले दोस्रो हाफमा दुई गोल गरेको थियो ।
खेलको ७१ औं मिनेटमा प्रितीले गोल गर्दा एपीएफ २-० ले अघि रह्यो । त्यसपछि खेलको ७४ औं मिनेटमा सावित्राले व्यक्तिगत दोस्रो गोल गर्दै एपीएफलाई ३-० को जित दिलाए ।
जितसँगै एपीएफले ५ खेलमा १५ अंक जोडेको छ । एपीएफ शीर्ष स्थानमा रहेको छ ।
वालिङ ५ खेलमा ५ अंक जोडेर चौंथो स्थानमा रहेको छ ।