इङ्लिश लिग कपको ६२ औँ संस्करणको फाइनल प्रवेशका लागि बिहीबार राती हुने खेल सेमिफाइनल खेलमा म्यानचेस्टर रा दुई ठुला टोली म्यानचेस्टर युनाइटेड र म्यानचेस्टर सिटी बिच खेल हुँदै छ ।
युनाइटेडको घर ओल्ड ट्राफोर्डमा हुने खेलमा फममा रहेको म्यानचेस्टर युनाइटेडलाई २०१७ पछिको आफ्नो पहिलो फाइनल खेल्ने मौका हुने छ । लिग कपको पाँच पटकको बिजेता रहेको म्यानचेस्टर युनाइटेडलाई फाइनल प्रवेशका लागि सात पटकको बिजेता म्यानचेस्टर सिटीको सामना गर्नु पर्ने छ । प्रिमियर लिगमा ३३ अंक सहित एक खेल कम खेल्दै पहिलो स्थानको लिभरपुलसँग अंक बराबरी गरिरहेको युनाइटेडका लागि यो खेलले खेलाडीहरुको क्षमता हेर्नका लागि निकै राम्रो प्रतियोगिता हो ।
सिटीका लागि भने यो प्रतियोगितानै युवा खेलाडीहरुको बिकासको लागि रहने गरेको छ । सिटीले लिग कपको खेलहरुमा निकै युवा खेलाडीहरु उतार्ने गरेको छ तर यो पटक भने सेमिफाइनलमा डर्बीनै परेका कारण पनि केही प्रतिस्पर्धात्मक खेलको आशा गरिएको छ ।
सिटीका धेरै खेलाडीहरुमा कोरोना संक्रमण देखिएका कारण पनि यो खेलमा सिटीले केही युवा टोली उतार्ने पनि विश्वास गरिएको छ । युनाइटेडका लागि पनि बेन्चमा रहेका केही युवा खेलाडीहरुलाई मौका दिने अवसर हुने छ ।
यो खेलमा जित हात पार्ने टोलीले वेम्बलीमा पहिलो सेमिफाइनलको बिजेता टोटनह्याम हस्ट्स्परसँग खेल्ने छ । फाइनलको मिती भने फुटबल एसोसिएसन (एफए) हाल सम्म ले तोकेको छैन ।