आउने फेब्रुअरीमा ३६ लाग्ने तरखरमा रहे पनि फुटबलका स्टार क्रिष्चियानो रोनाल्डोले आफुले आझै धेरै वर्ष फुटबल खेल्ने रहर भएको बताएका छन् । उनको यो अभिव्यक्तीसँगै उनले २०२१ को युरोकप र २०२२ को कतार विश्वकप खेल्ने पनि सङ्केत दिएका छन् ।
३५ वर्षको भए पनि रोनाल्डोले अहिले सम्म गोल गर्न बन्द गरेका छैनन् । २०१९-२०२० को सिजनमा ३१ गोल गरेका रोनाल्डोले यो सिजन सिरी आ मा १० खेलमा १२ गोल गरिसकेका छन् ।
२०२० को सिजनमा उनी इटालीमा ३३ गोल गर्ने मात्र चौँथा खेलाडी भएका थिए । ओमर सिवोरी (१९६१ मा ३३ गोल),गुन्नर नोर्डाल (१९५० मा ३६) र फेलिके बोरेल (१९३३ मा ४१) बाहेक रोनाल्डोले सेरी आ को २०२० सिजनमा ३३ गोल गर्ने चौँथा खेलाडी हुन् ।
यि गोलहरुले उनलाई फिफा वर्ष खेलाडी रोबर्ट लेवानडस्की (३२) भन्दा धेरै गोलका साथ युरोपका शिर्ष पाँच लिगहरुको शिर्ष गोलकर्ताको अग्र स्थानमा राख्छ । पोर्चुगलका कप्तान रोनाल्डो २०२२ को विश्वकप सम्ममा ३७ वर्ष भए पनि उक्त विश्वकप खेल्ने सङ्केत दिएका छन ।
“यो उमेरले केही फरक पार्दैन । सबै भन्दा ठुलो भनेको हाम्रो मनस्थिती हो,” उनले दुवइमा भएको ग्लोब सकर अवार्डमा भने ।
“क्रिस्टियानो रोनाल्डो राम्रो छ कि छैन भन्ने पनि फरक पर्दैन, म अहिलेको समयमा बाँचिरहेका कारण भोलि के हुने हो मलाई थाहा छैन,” उनले थपे । “अहिलेको समयमा म खुशी छु र मलाई धेरै-धेरै वर्ष फुटबल खेल्न मन छ तर सबै समयले बताउछ।”
रोनाल्डो उत्कृष्ट फममा रहे पनि उनको टोली युभेन्टस भने अहिले शिर्ष स्थानमा रहेको एसी मिलान भन्दा १० अंकले पछाडि रहेको छ । रोनाल्डोका अनुसार यस्तो हुनुको कारण रङ्गशालामा दर्शक नभएकाले हो ।
उनले भने,”मलाई रङ्गशालामा दर्शक बिना खेल्न मनपर्दैन । यो त सर्कस गरेर जोकर नदेख्नु जस्ताइ हुन्छ,”
“अझ मलाई अब समर्थकहरुले ‘क्रिष्चियानो बु!’ भन्दै जिस्काउछन् तब मालाई अझै राम्रो खेल देखाउने दवाब आउछ र मलाई त्यो निकै नै मनपर्छ,” रोनाल्डोले हाँस्दै भने ।
