सब्स्टिच्युट मार्को एसेन्सियोले आक्रमक खेल पस्कदै खेलको रँग नै परिवर्तन गरेपछि रियल म्याड्रिड ग्रानडालाई २–० ले हराउदै स्पेनिस ला लिगामा शिर्ष स्थानको एट्लेटिको म्याड्रिडमाथि दवाब कायम राख्न सफल भएको छ ।
अल्फ्रेडो डे स्टिफानो रँगशालामा बुधबार राति भएको खेलमा एसेन्सियोले कासिमिरोको लागि असिस्ट गर्दै रियलले ५७ औं मिनेटमा अग्रता लिएको थियो । त्यसअघि एसेन्सियाको प्रहार पोस्टमा लागेको थियो । ग्रानडाले बराबरीको लागि डिफेन्समा त्यति ध्यान दिन नसक्दा करिम बेन्जेमाले रियलका लागि दोश्रो गोल गरे ।
लगातार पाचौं जितपछि रियल र एट्लेटिकोको समान ३२ अंक रहेको छ । दुई खेल कम खेलेको एट्लेटिको गोल अन्तरको आधारमा अगाडी रहेको छ । दुवै टोली तेश्रोमा रहेको रियल सोसिडाड र चौथो स्थानको भिलारियालसँग ६ अंकको दुरीमा रहेका छन् । बार्सिलोनाको १४ खेलबाट २४ अंक रहेको छ ।
“हामी जसरी खेलिरहेको छौं त्यसलाई लिएर खुशी हुन आवश्यक छ,” सिजनको शुरुवात खराब भइसकेपछि पछिल्लो तीन साता रियललाई परिवर्तन सफल भएका प्रशिक्षक जिनेदिन जिदानले भने ।
