पिएम कपको खेल तालिका सार्वजनिक

नेपाल क्रिकेट संघ (क्यान) ले प्रधानमन्त्रि कप महिला क्रिकेट प्रतियोगिताको खेल तालिका सार्वजनिक गरेको छ ।

आज सार्वजनिक गरिएको खेल तालिका अनुसार प्रतियोगिता दाङको लमहीमा यहि पुष ११ गते देखि संचालन हुनेछ । सात प्रदेश र एक विभागीय टोली एपीएफ सम्मिलित प्रतियोगिताको उद्घाटन खेलमा लुम्बिनी प्रदेश र प्रदेश दुई बीचमा हुनेछ ।

प्रतियोगितामा सहभागी आठ टोलीलाई दुई समुहमा बिभाजन गरिएको छ । प्रत्येक टोलीले आफ्नो समुहमा रहेको सबै टोली विरुद्ध एक आपसमा भिड्ने छन् । आफ्नो समुहका विजेता र उपविजेताले सेमी-फाइनलमा स्थान सुरक्षित गर्नेछन् ।

ट्वान्टी ट्वान्टी ढाँचामा खेलाइने प्रतियोगिताको फाइनल खेल पुष १९ हुनेछ।

त्यस्तै क्यानले महिलाको प्रधानमन्त्रि कप सक्काए पछि पुरुषको पनि आयोजना गर्ने जनाएको छ।

पिएम कपको खेल तालिका