इङ्गल्याण्डका पुर्व फर्वार्ड वेन रुनीका ११ बर्षिय छोरा काइले आफ्नो बुवालाई पछ्याउदै इङ्गलिस प्रिमियर लिग क्लब म्यानचेस्टर युनाइटेडसँग सम्झौता गरेका छन् ।
टिनऐजरको रुपमा एभर्टनबाट २००४ मा टिनएज फुटबलरका रुपमा युनाइटेड गएका रुनीले इन्स्टाग्राममा काइसँगको एक तस्विर राख्दै आफ्नो छोरा म्यानचेस्टर युनाइटेडसँग आबद्ध भएको बताएका हुन् । “म आज निकै गौरवान्वित महसुस गरिरहेको छु । काइ धेरै मिहिनेत गरिरहेका छन् । उनी फुटबललाई निरन्तरता दिन कै लागि हामीसँग अमेरिका आएका छन्,” रुनीले लेखेका छन् ।
“उनी युनाइटेडमा ट्रायलको लागि गएका थिए र प्रशिक्षकहरु उनीबाट निकै प्रभावित पनि भएका छन् । उनले युनाइटेडमा आबद्ध हुनको लागि कागजपत्रमा तयार पारिसकेका छन्,” हाल डर्बि काउन्टीको अन्तरिम प्रशिक्षक रहेका रुनीले भने ।
पुर्व इङ्गल्याण्ड कप्तान रुनीले आफ्नो १३ बर्षे चम्किलो युनाइटेड करिअरमा ५ सय ५९ खेल खेल्दै २ सय ५३ गोल गरेका थिए । यस क्रममा उनी लामो समयदेखि बबी चार्लटनले राखेको सर्वाधिक गोलको किर्तिमान पनि तोड्न सफल भएका थिए ।
मेजर लिग क्लब डिसि युनाइटेडका लागि पनि खेलेका रुनीले काइलाई अन्य बिकल्प रहेपनि उनले युनाइटेड नै रोजेको बताए । उनीसँग अन्य क्लबहरु जाने बिकल्प पनि रहेको थियो । तर उनले युनाइटेडसँग सम्झौता गर्ने निर्णय लिए । यो उनको निर्णय हो, मेरो होइन, रुनीले भने ।