डिफेन्डर जोर्डि अल्बाले एक गोल गर्नुका साथै अर्कोमा असिस्ट गरेपछि बार्सिलोनाले स्पेनिस ला लिगामा रियल सोसिडाडमाथि २–१ को पुनरागमन जित हात पारेको छ ।
जितपछि सोसिडाड ला लिगाको अंक तालिको शिर्ष स्थानमा जान चुकेको छ भने अन्य क्लबहरुको लागि पनि फाइदा भएको छ । सोसिडाड शिर्ष स्थानको एट्लेटिको म्याड्रिड र दोश्रोमा रहेको रियल म्याड्रिडसँगै समान २६ अंकमा रहेको छ । भिलारियालको २२ र बार्सिलोनाको २० अंक रहेको छ ।
एट्लेटिकोले ११ खेलमात्र खेलेको छ भने सोसिडाडले १४, रियल र भिलारियलले १३ र बार्साले १२ खेल खेलेका छन् ।
क्याम्प नोउमा भएको खेलमा विलियम होजेले गोल गरेपछि बार्सा २७ औं मिनेटमै पछि परेको थियो । तर आल्बालै चार मिनेटपछि नै गोल गर्दै बार्सालाई खेलमा फर्काए । ४३ औं मिनेटमा फ्रेन्की डि जोँगको गोलमा आल्बाकै असिस्ट रहेको थियो ।
