अन्तरास्ट्रिय क्रिकेट परिषद (आईसीसी) ले कोरोना भाइरसका कारण रोकिएको वर्ल्ड कप लिग टु का खेल तालिकाहरु सार्वजनिक गरेको छ ।
आईसीसीले सार्वजनिक गरेको खेल तालिका अनुसार नेपालले कोरोना पछिकको आफ्नो पहिलो शृंखला ओमान र अमेरिका विरुद्ध सन् २०२१ को मार्च १९ देखि २८ सम्म ओमानमा खेल्ने छ ।
त्यस्तै नेपालले जुलाईमा आयोजक स्कटल्यान्ड र नामिबिया विरुद्ध खेलें छ भने सन् २०२२ को फेब्रुअरीमा आफ्नो घरेलु मैदानमा युएई र पपुवा न्युगिनी विरुद्ध भिड्ने छ ।
त्यस्तै नेपालले जुलाई २०२२ मा अमेरिकामा अमेरिका र ओमान विरुद्ध, सेप्टेम्बर २२ बाट अक्टोबर दुई सम्म युएई र पपुवा न्युगिनीसँग पपुवा न्युगिनीमा तथा सन् २०२३ को फेब्रुअरीमा युएई र पपुवा न्युगिनीसँग युएईमा तथा फेब्रुअरीमा नै नामिबिया र स्कटल्यान्डसँग आफ्नै घरेलु मैदानमा खेल्ने छ ।
सन् २०२३ मा भारतमा आयोजना हुने एकदिवसीय विश्वकपका लागि छनोट खेल रहेको प्रतियोगितामा नेपाल छैठौं स्थानमा रहेको छ । चार खेल खेलेको नेपालले दुई खेलमा जित निकाल्दै चार अंकका साथ छैठौं स्थानमा रहन पुगेको हो । सात टोली रहेको छनोटमा शिर्ष दुई स्थान हात पार्ने टोलीले सिधै विश्वकप छनोटमा स्थान बनाउने छ भने अन्य टोलीले फेरी अर्को छनोट खेल खेल्न पर्ने हुन्छ ।
गत फेब्रुअरीमा नेपालमा नै भएको शृंखलामा नेपालले अमेरिकालाई दुई खेलमा पराजित गरेको थियो भने ओमानसँग दुबै खेलमा पराजित हुन पुगेको थियो ।