चेल्सीका लेजेण्ड गोलकिपर पिटर चेक सन्यास लिएको १८ महिनापछि मैदानमा फर्कदै प्रिमियर लिग क्लबको बैकल्पिक टोलीलाई जिताउन सफल भएका छन् ।
चेकले सोमबार टोटेन्ह्याम हटस्परको अण्डर–२३ टोलीमाथि ३–२ को पुनरागमन जित्दा महत्वपूर्ण भुमिका खेलेका थिए । १७ मिनेटमै २–० ले पछि परेको चेल्सी दोश्रो हाफमा तीन गोल गर्दै प्रिमियर लिग टु अंक तालिकाको शिर्ष स्थानमा उक्लिन सफल भयो ।
“शुरुवातको २० मिनेटमा म आफूले स्वचालित रुपमा पाउने गरेको मुभ प्राप्त गर्न निकै संघर्ष गरे,” ३८ बर्षिय चेक रिपब्लिक गोलकिपर चेकले भने । तर त्यसपछि मैले खेलमा लय प्राप्त गरे र सबै कुरा सहज हुदै जान थाल्यो, खेलमा केही महत्वपूर्ण बचाउ गरेका उनले भने ।
कोरोना भाइरसले पहिलो टोलीमा असर गर्दै गोलकिपर पनि नहुने अवस्था आएको स्थितिको सामना गर्न चेकलाई चेल्सीले बैकल्पिक टोलीमा राखेको थियो ।
“यो खेलको ध्येय पुरा भएको छ किनभने संकटको अवस्थामा यदि मैले प्रिमियर लिगमा फर्कने हो भने यस्तै खेल खेल्न आवश्यक छ । यसले मलाई खेलमा लय भेट्टाउनको लागि मद्दत गरेको छ । अब प्रिमियर लिगमा खेल्नु पर्ने हो भने पनि म तैयार छु,” उनी थप्छन् ।
चेल्सी र आर्सनलका लागि खेल्दै आफ्नो १५ प्रिमियर लिग सिजनमा किर्तिमानी २ सय २ क्लिन सिट राखेका चेकले खेल अगाडी भने केही नर्भस भएको स्विकारेका पनि थिए ।
