नवौं नम्बरमा ब्याटिङ गर्न आएका किशोर महतोले आक्रमक पारी खेल्दै १४ बलमा ३६ रन बनाए पछि गौतम बुद्ध कप अन्तर्गत लिग चरणको अन्तिम खेलमा नारायणीले राप्तीलाई १३९ रनको लक्ष्य दिएको छ ।
खेलमा टस जितेर पहिले ब्याटिङ गरेको नारायणीले पुरै २० ओभर खेल्दै आठ विकेटको नोक्सानीमा १३८ रन बनायो ।
एक समय १५ दशमलब पाँच ओभरमा ७९ रन हुँदा सात विकेट गुमाएर खराब प्रदर्शन गरेको नारायणीका लागि करण केसी र किशोर महतोले ५९ रनको साझेदारी गर्दै १३८ रन सम्मको अवस्था सम्म पुर्याय ।
नारायणीको लागि नवौं नम्बरमा ब्याटिङ गर्न आएका किशोर महतो अविजित रहँदै सर्वाधिक ३६ रन बनाए । १४ बलको सामना गरेका उनले दुई चौका र चार छक्का प्रहार गरे । त्यस्तै आठौं नम्बरमा ब्याटिङ गर्न आएका करण केसीले पनि २२ बलमा ३२ तथा सुशन भारीले १८ रनको पारी खेले ।
राप्तीका अविनाश बोहरा र सुर्य तामांङले समान २-२ विकेट हात पारे ।
