मार्टिन ब्रेथवेटले दुई गोल गरेपछि बार्सिलोना युक्रेनी क्लब डायनामो किभलाई ४–० को फराकिलो अन्तरले पराजित गर्दै च्याम्पियन्स लिगको प्रि–क्वार्टर फाइनलमा प्रवेश गरेको छ । क्याटलन महारथीसँगै युभेन्टस र युरोपा लिग च्याम्पियन सेभिया पनि अन्तिम १६ मा स्थान बनाउन सफल भएको छ ।
मङ्गलवार युरोपका स्टारहरु एर्लिङ्ग हालान्ड, नेमार, क्रिष्चियानो रोनाल्डो र ब्रुनो फर्नान्डेज सबैले गोल गरेका थिए ।
अर्जेन्टाइन सुपरस्टार लियोनेल मेस्सी नभएपनि रोनाल्ड कोमनको बार्सिलोनाले युक्रेनमा सहज जित दर्ता गर्यो । बार्सिलोनाको सबै गोल दोश्रो हाफमा सम्भव भएको थियो । सर्जिनो डेस्टले अग्रता दिलाएपनि ब्राथवेटले ओपन प्ले र पेनाल्टीमा गोल गर्दै बार्सालाई ३–० को फराकिलो अग्रता दिलाए ।
सब्स्टिच्युटको रुपमा मैदान प्रवेश गरेका एन्टोइन ग्रिजमनले चौथो तथा अन्तिम गोल गरेका थिए । बार्साले खेलमा युवा सेन्टर ब्याक ओस्कार मिन्गुवेजा, ब्राजिलियन मिडफिल्डर म्याथेउस फर्नान्डेज र अमेरिकन टिन विँगर कोन्राड डे ला फ्लुवेन्टेलाई शुरुवाती ११ मै खेलाएको थियो ।
समुह जी मै युभेन्टसका लागि अतिरिक्त समयमा अल्भारो मोराटाले हेडर मार्फत गोल गर्दै टुरिनमा फेरेंकभारोसबिरुद्ध २–१ को जित दिलाए । हँगेरीयन टोली फेरेंकभारोसलाई मिर्टो उजुनीले अग्रता दिलाएपनि क्रिष्चियानो रोनाल्डोले पहिलो हाफमै बराबरी गोल गरेका थिए । रोनाल्डोले लगातार १५ वटा च्याम्पियन्स लिग सिजनमा गोल गरिसकेका छन् ।
यो सिजन प्रि–क्वार्टरफाइनल प्रवेश गरेपछि युरोपा लिगको ट्रफिको रक्षा गर्नु नपरेको सेभियाले रुसमा क्रसनोडरलाई २–१ ले हरायो । इभान राकिटिचले सेभियालाई अग्रता दिलाएका थिए तर ब्राजिलियन वान्डर्सनले घरेलु टोलीलाई खेलमा फर्काएका थिए ।
मुनिर एल हदादीले अतिरिक्त समयको पाचौं मिनेटमा बिजयी गोल गरेका थिए । समुह इ मै चेल्सी फ्रेञ्च टोली रेनेसलाई २–१ ले हराउदै अन्तिम १६ मा पुगेको थियो ।
समुह एचमा टर्किस क्लब इस्तानबुल बसकसेहिरलाई ४–१ ले पराजित गरेपछि म्यानेस्टर युनाइटेड अन्तिम १६ बाट एक जित मात्रै टाढा रहेको छ । पहिलो लेगमा युनाइटेड टर्किस क्लबसँग २–१ ले स्तब्ध भएको थियो । युनाइटेडको जितमा पहिलो हाफमै फर्नाण्डेसले दुई गोल गरेका थिए । मार्कस रासफोर्ड र ड्यानिएल जेम्सले अन्य दुई गोल गरेका थिए ।
गत बर्षको उपबिजेता पेरिस सेन्ट जर्माइनले आरबी लाइपजिगलाई १–० ले हरायो । अर्को समुहमा हालान्डले दुई गोल गरेपछि बोरुसिया डर्टमण्डले बेल्जियन टोली क्लब ब्रुगलाई ३–० ले हरायो । अर्को गोल जेडन सान्चोले गरेका थिए ।
यो सिजन सबै क्लब प्रतिस्पर्धा गरेर १६ गोल गरिसकेका हालान्डले आफ्नो करिअरको १२ च्याम्पियन्स लिग खेलमा १६ गोल गरिसकेका छन् । उति नै म्याच खेलिसक्दा मेस्सीले आफ्नो नाममा दुई गोल मात्र गरेका थिए भने रोनाल्डोले एक गोल पनि गर्न सकेका थिए ।
सिरो इमोबिलेले दुई गोल गरेपछि इटालियन टोली लाजियोले रसियन क्लब जेनिट सेन्ट पिटर्सबर्गलाई ३–१ ले हरायो ।
