अथाह आर्थिक स्रोतका बावजुद एक दक्ष टिमको रुपमा चल्न नसक्नु म्यानचेस्टर युनाइटेडको असमर्थतालाई ओले गुनर सोल्सायरको टिममा स्थापित हुनका लागि पउल पोग्बाले गर्नु परेको संघर्षले जीवन्त बनाउछ ।
फ्रान्सका लागि नियमित चम्किएका पोग्बाले गत साता मात्र फ्रान्स नेसन्स लिगको सेमिफाइनल पुगेको बेला आफ्नो क्लबको स्तरको बारेमा बोल्दै निराशा पोखेका थिए । र यो उनले पहिलो पटक गरेका भने होइनन् ।
युनाइटेडको युथ एकेडेमी प्रोडक्ट पोग्बालाई युभेन्टसमा फ्रि एजेन्टको रुपमा बेचिसकेपछि २०१६ मा किर्तिमानी ८९ मिलियन पाउन्डमा फेरी ओल्ड ट्राफोर्ड भित्र्याएको थियो । युनाइटेडमा फर्किएका पोग्बाले सिजनको शुरुवातमा राम्रै गरेका थिए । समर्थकहरु पनि खुशी र युनाइटेड पनि आफ्नो पैसाको सदुपयोग भएको ढुक्क देखिन्थ्यो ।
तर सिजनको मध्य तिर प्रशिक्षक होजे मोउरिन्होसँग भएको खटपट र उनको खेलमा परेको प्रभावले युनाइटेडमा चिन्ता उत्पन्न हुन थाल्यो । पोग्बालाई लगातार बेञ्चमै राख्नु माउरिन्हो २०१८ मा ओल्ड ट्राफोर्डबाट बाहिरिनु धेरै मध्येको एउटा कारण थियो ।
माउरिन्हो पछि सोल्सायर आएको दुई बर्ष बितिसक्दा उनी पनि त्यही निष्कर्षमा पुगिसकेका छन् ।
यो सिजन युनाइटेड पछिल्ला पाँच खेल मध्ये उनले शुरुवाती ११ मा स्थान पाउदा पोग्बाकै कारण प्राप्त भएको पेनाल्टीमा आर्सनलले १–० को जित रच्यो ।
सोल्सायरले पोग्बालाई चारमध्ये तीन लिग खेलमा शुरुवाती ११ मा खेलाउदा युनाइटेड ओल्ड ट्राफोर्डमै पराजित भएको छ । यसमा टोटनह्यामसँगको ६–१ को लज्जास्पद हार पनि छ जसमा पोग्बाकै कारण स्पर्सले एक पेनाल्टी पनि पाएको थियो ।
कुनै समय पोग्बासँग आफ्नो स्थानमा कायम रहन स्टार पावर र महँगो मुल्यको ट्याग थियो तर अहिले उनी युनाइटेडका प्रभावशाली मिडफिल्डरहरु मध्ये पनि पर्दैनन् । २०१९ को जनवरीमा मात्रै युनाइटेड आएका ब्रुनो फर्नान्डेजले ३४ खेलमा १९ गोल गरिसक्दा पोग्बाले भने अझै पनि आफ्नो स्थानका लागि युनाइटेडमा संघर्ष गर्नु पर्ने देखिन्छ ।
चोटका कारण केही खेलहरु गुमाए पनि पोग्बालाई मंगलबार हुने च्याम्पियन्स लिगमा इस्तानबुल बसिकशेरसँगको खेलका लागि फिट हुने आशामा सोल्सायर छन् ।
दशा लागेको जसरी थालिएका पोग्बाको करिअरमा अझै पनि रङ्ग भर्ने हो भने सोल्सायारले केही समय भित्र नै फर्नान्डेज र पोग्बा बिच कसरी तालमेल मिलाउने सोच्नु पर्दछ किन कि जब यि दुई खेलाडीले क्रिस्टल प्यालेस, ब्राइटन र टोटनह्यामसँग सँगै मिडफिल्डमा खेलेका थिए तब युनाइटेडले तीन खेलमा ११ गोल खान पुगेको थियो ।
युनाइटेडका लागि यो सिजन च्याम्पियन्स लिगमा आरबि लाइपजिगलाई ५–० ले हराउदा निकै राम्रो प्रदर्शन गरेका पोग्बाले त्यो खेलका लागि फर्नानडेजलाई बेन्चमै सिमित पारिदिएका थिए ।
धेरै फुटबल विश्लेषकहरुले पनि पोग्बा नराम्रा खेलाडी नभएका र सोल्सायरलाई उनको राम्रो प्रयोग गर्न नआएको आरोप लागिरहदा आउने जनवरी वा अर्को सिजनसम्म धेरै मौका नपाए पोग्बालाई फ्रि एजेन्टको रुपमा गुमाउनु पर्ने बताउदै आएको छन् ।
पोग्बाले पनि रियल म्याड्रिडको नामको रटान लगाइरहेको समयमा युनाइटेडले आफ्नो सबै भन्दा महङ्गो खेलाडीलाई फ्रि–एजेन्टको रुपमा बिना पुनै पैसा पठाउनु जस्तो दुर्भाग्यको कुरा के होला र ?