लिभरपुल स्टार सादियो मानेले निर्णायक गोल गरेपछि सेनेगल २०२१ को अफ्रिका कप अफ नेसन्समा प्रवेश गर्ने आयोजक राष्ट्र क्यामरुनपछि पहिलो टिम बनेको छ ।
सेनेगलले आइतबारको खेलमा गिनी–बिसौलाई १–० को सांघुरो अन्तरले पराजित गर्दै अफ्रिकाको सबैभन्दा ठूलो फुटबल प्रतियोगितामा छनोट हुने पहिलो टिम बनेको हो । जोर्गे बुरा नोगिरा दोश्रो हाफको मध्य तिर रेड कार्ड खाएपछि १० खेलाडीमा सिमित गिनी–बिसौं बिरुद्ध मानेले ८२ औं मिनेटमा गोल गरेका थिए ।
गत साता पनि अफ्रिकन बर्ष फुटबलर मानेको एक असिस्ट र एक गोलको मद्दतमा सेनेगलले पहिलो लेगमा गिनी–बिसौंलाई डाकारमा २–० ले हराएको थियो ।
पाँच दिनको अन्तरमा प्राप्त दोश्रो जितले अफ्रिकाको नम्बर एक टोली सेनेगल समुह आई मा चार खेलमा बिजयी रहदै १२ अंक सहित शिर्ष स्थानमा रहेको छ । सेनेगलले अझै दुई खेल खेल्न बाकी नै रहेको छ ।
२०२१ को मार्च २२ मा कोँगो र मार्च ३० मा इस्वातिनीसँग खेल्न बाकी रहेको सेनेगलसँग अब लिभरपुल व्यवस्थापक योर्गेन क्लोपले मानेलाई बिश्राम दिन आग्रह गर्न सक्नेछन् । कोँगोको ६ अंक रहेको छ भने गिनी–बिसौको तीन र इस्वातिनी अंक बिहिन रहेको छ ।
मोजाम्बिकको नजिकै रहेको जम्मा ८ लाख ७५ हजार जनसंख्या रहेको द्विप कोमोरोस आइल्याण्डलाई भने छनोट हुनका लागि जम्मा एक अंकको आवश्यकता रहेको छ । कोमोरोसले आफ्नो खेलमा आइतबार केन्यालाई २–१ ले हराएको थियो ।
समुह जी मा अपराजित रहेको कोमोरोेसको ८ अंक रहेको छ भने किर्तिमानी ७ पटकको अफ्रिकन बिजेता इजिप्टको पाँच र केन्याको तीन अंक भएको छ ।