नेपाल विरुद्धको दुई मैत्रीपूर्ण सिरिजका लागि मुख्य गोलरक्षकका रुपमा बोलाइएका शहीदुल आलम सोहेलले नेपाल विरुद्ध हुने दोस्रो मैत्रीपूर्ण खेल गुमाउने भएका छन् ।
नेपाल २-० ले पराजित भएको पहिलो खेलमा पनि खेल भन्दा अगाडि भएको सामान्य अभ्यासमा शहीदुल आलमलाई चोट लागे पछी उनको स्थानमा अनिसुर रहमानलाई मौका दीइएको थियो ।
टोलीका मुख्य गोलरक्षक अश्रफुल ईस्लाम राना नभएका कारण शहिदुलले पहिलो र दोस्रो खेलमा मौका पाउने पक्का जस्तै रहेको थियो ।
उनको अभ्यासका क्रममा कम्मरमा रहेको हड्डीमा सानो चिरा देखा परेको थियो । उनी बङ्गलादेश राष्ट्रिय टोलीको क्याम्प छोड्दै आफ्नो क्लब ढाका अबाहनी फर्किसकेका छन् । बङ्गलादेशका राष्ट्रिय टोलीका अष्ट्रेलियन फिजियोले पनि शहिदुललाई बिश्रामको सुझाव दिएका थिए ।
शहिदुलले नेपालसँग हुने दोस्रो खेल र बङ्गलादेशले खेल्ने विश्वकप छनोटमा खेल्ने कतारसँगको खेल पनि गुमाउने भएका छन् ।
