ब्राजिल आफ्नो सुपरस्टार खेलाडी नेमारको अनुपस्थितिमा भेनेजुएलामाथि १–० को सांघुरो जित दर्ता गर्दै २०२२ कतार बिश्वकपको दक्षिण अमेरिकी छनोटमा लगातार तीन खेल जित्न सफल भएको छ ।
च्याम्पियन्स लिगका दौरान पेरिस सेन्ट जर्माइनका लाग खेल्दै गर्दा चोट बोकेका नेमारसँगै अन्य केही प्रमुख खेलाडीहरुको अनुपस्थितिमा पनि ब्राजिल महत्वपूर्ण तीन अंक बटुल्न सफल भयो । जितपछि ब्राजिलको ९ अंक भएको छ भने दुई खेल जित्दै एकमा बराबरी गरेको अर्जेन्टिना दोश्रो स्थानमा रहेको छ ।
ब्राजिलको लागि एक मात्र गोल रोबर्टो फर्मिनोले गरेका थिए । अर्को खेलमा उरुग्वे कोलम्बिायलाई ३–० को फराकिलो अन्तरले हराउदै चौथो स्थानमा उक्लियो । उरुग्वेको सहज जितमा एडिन्सन काभानी, लुईस सुवारेज र डार्विन नुनेजले १–१ गोल गरेका थिए ।
तीन चरणको समाप्तिपछि पेरुको एक अंक मात्र रहेको छ भने भेनेजुएला र बोलिभियाले खाता नै खोल्न बाकी रहेको छ । अर्को खेलमा चिलीले पेरुलाई २–० ले हरायो । चिलीको लागि दुवै गोल आर्टुरो भिडालले गरेका थिए ।
