ब्राजिलियन खेलाडी ग्याब्रियल जिजसले विश्वकप छनोट अन्तर्गत भेनेजुएला विरुद्ध हुने खेलमा ब्राजिलले स्टार खेलाडी नेमार जुनियर बिना पनि खेल्न सक्ने बताएका छन् ।
नेमार च्याम्पियन्स लिग अन्तर्गत आरबी लाइपजिग विरुद्धको खेलमा ग्रोइनमा चोट लागे पछि पेरिस सेन्ट जर्माइनबाट पनि तीन खेल गुमाइसकेका छन् ।
ब्राजिलका समर्थकहरुलाई अझै पनि २०१४ को सेमीफाइनलमा नेमार नभएका कारण जर्मनीसँग लज्जास्पद हार बेहोरेको बुझाई छ । नेमार क्वार्टर-फाइनलमा कोलम्बिया विरुद्धको खेलमा धाडमा लागेको चोटका कारण २०१४ को विश्वकप सेमीफाइनलको खेल गुमाएका थिए ।
तर ब्राजिल अघिल्लो कोपा अमेरिकामा पनि नेमार बिना खेलेको थियो र जितेको पनि थियो । त्यही कारण पनि फर्वार्ड ग्याब्रियल जिजस ब्राजिलले नेमार नभए पनि राम्रो खेल्ने अनुमान लगाउछन् ।
“राष्ट्रिय टोलीमा सधैं एकै खेलाडीको मात्र भर परेर हुन्न । सबैको उतिकै दाहित्व हुन्छ,” जिजस भन्छन् ।
“होला नेमार भए पछि हामी अली कती जितको नजिक हुन्थियौँ तर यहाँ सबै आफ्नो माटोलाई जिताउन आएका हौँ । यहाँ कोही कम छैन,”
जिजसले अघिल्ला दुई विश्वकप छनोटका खेलहरु इन्जुरीका कारण गुमाएका थिए ।
ब्राजिलले भेनेजुएलासँग शनिबार बिहान खेल्दै छ भने अर्को साता युरुग्वेसँग महत्वपूर्ण खेल खेल्ने छ ।